ഡല്‍ഹിയില്‍ നാലു നില കെട്ടിടം തകര്‍ന്നു വീണു; ഒട്ടേറെപ്പേര്‍ കുടുങ്ങിക്കിടക്കുന്നതായി റിപ്പോര്‍ട്ട്

ന്യൂഡല്‍ഹി: ഡല്‍ഹിയിലെ ബുരാരിയില്‍ നാലുനിലക്കെട്ടിടം തകര്‍ന്നുവീണു. ഒട്ടേറെപ്പേര്‍ കുടുങ്ങിക്കിടക്കുന്നതായാണ് സൂചന. ബുരാരിയിലെ ഓസ്‌കാര്‍ പബ്ലിക്ക് സ്‌കൂളിനുസമീപം തിങ്കളാഴ്ച രാത്രി ഏഴോടെയാണ് സംഭവം. ഫ്‌ലാറ്റാണ് തകര്‍ന്നതെന്നും താമസക്കാര്‍ അകപ്പെട്ടെന്നുമാണ് വിവരം. രക്ഷാപ്രവര്‍ത്തനം പുരോഗമിക്കുകയാണ്.

കെട്ടിടത്തിന്റെ ബലഹീനതയാണ് അപകടത്തിലേക്കു നയിച്ചതെന്ന് സംശയമുണ്ട്. അഗ്‌നിരക്ഷാസേനാംഗങ്ങള്‍ രക്ഷാപ്രവര്‍ത്തനം തുടങ്ങി.