സ്വകാര്യ ബസിനെ മറികടക്കുന്നതിനിടെ എതിര്‍ ദിശയില്‍ നിന്നും വന്ന ട്രാവലറില്‍ സ്‌കൂട്ടര്‍ ഇടിച്ചു; യുവതിക്ക് ദാരുണാന്ത്യം

കൊച്ചി: സ്വകാര്യ ബസിനെ മറികടക്കുന്നതിനിടെ ട്രാവലര്‍ സ്‌കൂട്ടറിലിടിച്ചുണ്ടായ അപകടത്തില്‍ യാത്രികയായ യുവതി മരിച്ചു. വരാപ്പുഴ ഒളനാട് സ്വദേശിനി സുനിത വില്യം (42) ആണ് മരിച്ചത്. സ്‌കൂട്ടര്‍ ഓടിച്ചിരുന്ന ഒളനാട് സ്വദേശി പിഎസ് ലൈജു (41)വിനെ ഗുരുതരമായ പരിക്കുകളോടെ ആശുപത്രിയില്‍ പ്രവേശിപ്പിച്ചു.

ആലുവ-മൂന്നാര്‍ റോഡില്‍ കോളനിപ്പടിക്ക് സമീപമാണ് അപകടം ഉണ്ടായത്. ആലുവ ഭാഗത്തേക്ക് പോയ സ്വകാര്യ ബസിനെ സ്‌കൂട്ടര്‍ മറികടക്കുന്നതിനിടയില്‍ എതിര്‍ ദിശയില്‍ നിന്നും വന്ന ട്രാവലര്‍ ഇടിക്കുകയായിരുന്നു. സംഭവസ്ഥലത്തുവെച്ചുതന്നെ സുനിത വില്യം മരിച്ചു. പരിക്കേറ്റ ലൈജുവിനെ ആശുപത്രിയിലേക്ക് മാറ്റി. മൃതദേ?ഹം ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റുമോര്‍ട്ടത്തിന് ശേഷം കുടുംബത്തിന് വിട്ടുനല്‍കും.