കൊച്ചി നഗരത്തില്‍ വ്യാപാര സ്ഥാപനത്തിന് തീപിടിച്ചു; തീപിടിത്തമുണ്ടാകുന്നത് പുലര്‍ച്ചെ മൂന്ന് മണിയോടെ: തീ അണയ്ക്കാനുള്ള ശ്രമം തുടരുന്നു

കൊച്ചി: നഗരത്തിലെ വ്യാപാര സ്ഥാപനത്തില്‍ തീപിടുത്തം. എറണാകുളം ടൗണ്‍ ഹാളിനോട് ചേര്‍ന്നുള്ള കെട്ടിടത്തിനാണ് തീപിടിച്ചത്. ഫയര്‍ഫോഴ്‌സെത്തി തീയണയ്ക്കാനുള്ള ശ്രമം തുടരുകയാണ്. പുലര്‍ച്ചെ മൂന്ന് മണിയോടെയാണ് തീപിടുത്തമുണ്ടായത്.

പഴയ കസേരകള്‍ നന്നാക്കി വില്‍ക്കുന്ന ഷോറൂമിനാണ് തീപിടിച്ചത്. വലിയ രീതിയില്‍ തീ ആളിപ്പടര്‍ന്നു. പത്രവിതരണക്കാരാണ് തീപിടിച്ചത് കണ്ട് ഫയര്‍ഫോഴ്സിനെ വിവരമറിയിച്ചത്. അഞ്ചോളം യൂണിറ്റില്‍ നിന്ന് ഫയര്‍ഫോഴ്സെത്തി. തീ നിയന്ത്രണവിധേയമാക്കാന്‍ സാധിച്ചിട്ടുണ്ട്. സമീപത്ത് പെട്രോള്‍ പമ്പുകളുള്ളതാണ് ആശങ്ക പരത്തിയത്. തീപിടുത്തത്തിന്റെ കാരണം വ്യക്തമല്ല.