തളിപ്പറമ്പ : മദ്രസയില്‍ പഠിക്കാന്‍ എത്തിയ പതിനാറുകാരിയെ ലൈംഗീകമായി പീഡിപ്പിച്ച മദ്രസാധ്യപകന് 187 വര്‍ഷം തടവും ഒന്‍പത് ലക്ഷത്തി പതിനായിരം രൂപ പിഴയും. കണ്ണൂര്‍ ആലക്കോട് ഉദയഗിരി സ്വദേശിയും ഇപ്പോള്‍ കീച്ചേരിയില്‍ താമസക്കാരനുമായ കക്കാട്ട് വളപ്പില്‍ മുഹമ്മദ് ഷാഫി (39)യെയാണ് തളിപ്പറമ്പ അതിവേഗ പോക്‌സോ കോടതി ജഡ്ജി ആര്‍. രാജേഷ് ശിക്ഷിച്ചത്. 2020 മുതല്‍ 2021 ഡിസംബര്‍ വരെയുള്ള കാലഘട്ടത്തില്‍ പഴയങ്ങാടി പോലീസ് സ്റ്റേഷന്‍ പരിധിയിലെ പെണ്‍കുട്ടിയെയാണ് പ്രതി ലൈംഗീകമായി പീഡിപ്പിച്ചത്.

പീഡന വിവരം പുറത്ത് പറഞ്ഞാല്‍ ശപിക്കുമെന്നും പ്രതി ഭീക്ഷണിപ്പെടുത്തിയിരുന്നു. പ്രോസിക്യൂഷന് വേണ്ടി അഡ്വ ഷെറി മോള്‍ ജോസ് ഹാജരായി. പഴയങ്ങാടി എസ്.ഐ. രൂപ മധുസൂദനന്‍, സി.ഐ സന്തോഷ് കുമാര്‍ എന്നിവരാണ് കേസന്വേഷണം നടത്തി കുറ്റപത്രം സമര്‍പ്പിച്ചത് സമാനമായ കേസില്‍ വളപട്ടണം പോലീസ് സ്റ്റേഷന്‍ പരിധിയിലെ പ്രായപൂര്‍ത്തിയാകാത്തപ്പെണ്‍കുട്ടിയെ പീഡിപ്പിച്ച കേസില്‍ഇയാളെ 26 വര്‍ഷം തടവിന് ശിക്ഷിച്ചിരുന്നു.

പോക്‌സോമദ്രസഅധ്യാപകന്‍തടവ്

സ്വന്തം ലേഖകൻ