'എമ്പുരാന്‍' പിശാചിന്റെ സന്തതി; ഏറ്റവും കൂടുതല്‍ അവഹേളിച്ചിരിക്കുന്നത് ക്രിസ്ത്യന്‍ വിശ്വാസങ്ങളെ; സിനിമയില്‍ നികൃഷ്ടമായ ഒളിച്ചു കടത്തല്‍; എമ്പുരാന്‍ എന്ന പേര് തന്നെ ഒളിച്ചു കടത്തല്‍ ആണ്; ക്രിസ്ത്യാനികള്‍ ദൈവത്തെ തമ്പുരാനെ എന്ന് വിളിച്ച് ദിവസവും പ്രാര്‍ത്ഥിക്കും; ഓര്‍ഗനൈസര്‍ ലേഖനത്തില്‍ കൂടുതല്‍ വിശദീകരണവുമായി ലേഖകന്‍
'എമ്പുരാന്‍' പിശാചിന്റെ സന്തതി
തിരുവനന്തപുരം: എമ്പുരാന്‍ സിനിമക്കെതിരെ കടുത്ത വിമര്‍ശനമാണ് ആര്‍എസ്എസ് മുഖപത്രമായ ഓര്‍ഗനൈസര്‍ ഉന്നയിച്ചത്. എമ്പുരാനില്‍ ക്രിസ്ത്യന്‍ വിരുദ്ധ ആശയങ്ങളുണ്ടെന്നാണ് ഇന്നലെ ജിതിന്‍ ജേക്കബിന്റെ ലേഖനത്തില്‍ എഴുതിയത്. ക്രിസ്തീയ വിശ്വാസികളുടെ ആശയങ്ങള്‍ക്കും വിശ്വാസങ്ങള്‍ക്കും എതിരായിട്ടാണ് സിനിമ ഒരുക്കിയിരിക്കുന്നത് എന്നാണ് ലേഖനത്തില്‍ ചൂണ്ടിക്കാട്ടിയ കാര്യം. ദൈവപുത്രന്‍ തന്നെ തെറ്റുചെയ്യുമ്പോള്‍ ചെകുത്താനെയല്ലാതെ വേറെ ആരെ ആശ്രയിക്കാന്‍ എന്ന സംഭാഷണത്തെ ലേഖനത്തില്‍ വിമര്‍ശിക്കുന്നുണ്ട്.
' ക്രിസ്തീയ വിശ്വാസത്തില്‍, 'ദൈവപുത്രന്‍' മറ്റാരുമല്ല, ലോകത്തിന്റെ പാപങ്ങള്‍ വഹിച്ചുകൊണ്ട് മനുഷ്യരാശിയെ വീണ്ടെടുക്കാന്‍ കുരിശില്‍ കയറിയ മിശിഹായായ യേശുക്രിസ്തുവാണ്. അപ്പോള്‍, എമ്പുരാന്റെ എഴുത്തുകാരന്റെ അഭിപ്രായത്തില്‍ ക്രിസ്തു എന്ത് 'പാപം' ചെയ്തു? ദൈവം അയച്ചതായി കരുതപ്പെടുന്ന ഈ 'കറുത്ത മാലാഖ' ആരാണ്? ഏറ്റവും പ്രധാനമായി, ഏത് ക്രിസ്തീയ തിരുവെഴുത്തിലാണ് ഈ ആശയം നിലനില്‍ക്കുന്നത്?' എന്നാണ് പുതിയ ലേഖനത്തില്‍ ചോദിക്കുന്നത്.
ഈ ലേഖനം സോഷ്യല്‍ മീഡിയയില്‍ പലവിധത്തില്‍ ചര്‍ച്ചകള്‍ക്ക് വഴിവെച്ചിരുന്നു. ലേഖനത്തെ എതിര്‍ത്തും അനുകൂലിച്ചും ആളുകള്‍ രംഗത്തുവന്നു. ഈ പശ്ചാത്തലത്തില്‍ ലേഖനത്തില്‍ കൂടുതല്‍ വിശദീകരണവുമായി ലേഖകന്‍ ജിതിന്‍ രംഗത്തുവന്നു. സോഷ്യല്‍ മീഡിയാ പോസ്റ്റിലൂടെയാണ് അദ്ദേഹം കൂടതല്‍ വിശദീകരണം നല്‍കിയത്. സിനിമയില്‍ ഏറ്റവും കൂടുതല്‍ അവഹേളിച്ചിരിക്കുന്നത് ക്രിസ്ത്യന്‍ വിശ്വാസങ്ങളെയാണെന്നാണ് ജിതിന്‍ വിശദീകരിക്കുന്നത്. എമ്പുരാന്‍ എന്ന പേര് തന്നെ ഒളിച്ചു കടത്തല്‍ ആണ്. ക്രിസ്ത്യാനികള്‍ ദൈവത്തെ തമ്പുരാനെ എന്ന് വിളിച്ച് ദിവസവും പ്രാര്‍ത്ഥിക്കുമെന്നും അദ്ദേഹം കൂട്ടിച്ചേര്‍ക്കുന്നു. പ്രധാനമായും ക്രിസ്ത്യന്‍ വിശ്വാസികളെ ഉദ്ദേശിച്ച് ഉള്ളതാണ് പോസ്റ്റ് എന്നാണ് ജിതിന്‍ വിശദീകരിക്കുന്നത്.
ജിതിന്റെ ഫേസ്ബുക്ക് പോസ്റ്റ് ഇങ്ങനെ:
ഈ പോസ്റ്റ് ക്രിസ്ത്യന്‍ വിശ്വാസികളെ ഉദ്ദേശിച്ച് ഉള്ളതാണ്. 'എമ്പുരാന്‍' സിനിമയില്‍ തീവ്രവാദികളെ മഹത്വവല്‍ക്കരിക്കുന്നതും, ഹിന്ദു വിശ്വാസങ്ങള്‍ക്ക് നേരയും, ഇന്ത്യ എന്ന രാഷ്ട്രത്തിന് നേരെയും വിഷം തുപ്പുന്നതും, വര്‍ഗീയ കലാപങ്ങള്‍ വരെ ഉണ്ടാക്കാന്‍ ശ്രമിക്കുന്നതും പരസ്യമായി ആണെങ്കില്‍ ക്രിസ്ത്യന്‍ വിശ്വാസങ്ങളെ ഏറ്റവും നികൃഷ്ട്ടമായി ആക്രമിച്ചിരിക്കുന്നത് പല ഒളിച്ചു കടത്തലിലൂടെയുമാണ്.
ഈ സിനിമയില്‍ ഏറ്റവും കൂടുതല്‍ അവഹേളിച്ചിരിക്കുന്നത് ക്രിസ്ത്യന്‍ വിശ്വാസങ്ങളെ ആണ് എന്നത്
നല്ലൊരു ശതമാനം ക്രിസ്ത്യന്‍ വിശ്വാസികള്‍ക്കും മനസിലായിട്ടില്ല എന്നതാണ് വസ്തുത.
ഇന്നലെ 'ഓര്‍ഗനിസര്‍' ല്‍ എഴുതിയ ലേഖനം കണ്ട് ഏറ്റവും കൂടുതല്‍ വിമര്‍ശനം ഉന്നയിച്ചത് ക്രിസ്ത്യന്‍ നാമധാരികള്‍ ആണ്. ഇത്തരം നിഷ്‌ക്കുകള്‍ ഉള്ളതാണ് ഇവരുടെ ബലം.
https://organiser.org/.../concern-of-the-christian.../
എമ്പുരാനിലെയും, ലൂസിഫറിലെയും ക്രിസ്ത്യന്‍ വിശ്വാസങ്ങള്‍ക്ക് നേരെ നടത്തുന്ന ആക്രമണങ്ങള്‍ പറയും മുന്‍പ് കുറച്ചു പുറകോട്ട് സഞ്ചരിക്കണം. പ്രിത്വിരാജ് എന്ന 'നിലപാട്' ഉള്ള മഹാന്റെ പല സിനിമകളിലും സാത്താന് സേവ, അല്ലെങ്കില്‍ പൈശാചിക ആരാധന, ബൈബിള്‍ വചനങ്ങള്‍ ദുര്‍വ്യാഖ്യാനം, ബൈബിളില്‍ ഇല്ലാത്ത വചനങ്ങള്‍ ഉണ്ടെന്ന് കാണിക്കല്‍, പൈശാചിക ചിഹ്ന്‌നങ്ങളുടെ അവതരണം, പൈശാചിക സ്തുതികള്‍, യേശു ക്രിസ്തുവിനെ ഇന്‍ഡയറക്റ്റ് ആയി അവഹേളിക്കല്‍ എല്ലാം കാണാന്‍ കഴിയും.
കുറച്ചു സിനിമകളുടെ പേര് പറയാം :-
സ്റ്റോപ്പ് വയലന്‍സ്, ആദം ജോണ്‍, 9 (Nine), എസ്ര, കോള്‍ഡ് കേസ് തുടങ്ങിയ സിനിമകളില്‍ നേരിട്ട് തന്നെയാണ് സാത്താന് സേവയും, സാത്താന് ആരാധനയും, സാത്താന് ബിംബങ്ങളും ഒക്കെ കാണിക്കുന്നത്.
666, 616, 888, FFF തുടങ്ങിയവയൊക്കെ
പൈശാചിക ബിംബങ്ങള്‍ ആയാണ് കരുതപ്പെടുന്നത്. 666 എന്ന നമ്പറിനെ കുറിച്ച് ബൈബിളില്‍ പോലും പറയുന്നുമുണ്ട്.
7ത് ഡേ, Memories തുടങ്ങിയ സിനിമകളിലും സാത്താനിക് ആയുള്ള കാര്യങ്ങള്‍ ഇന്‍ഡയറക്റ്റ് ഒളിച്ചു കടത്തുന്നു.
ഈ സിനിമകളില്‍ ഒട്ടുമിക്കതും എട്ടു നിലയില്‍ പൊട്ടിയ സിനിമകള്‍ ആണ്. എന്നിട്ടും അതേ പറ്റേണില്‍ ഉള്ള സിനിമകള്‍ വന്നു കൊണ്ടിരുന്നു. ഇതില്‍ പലതിലും നിര്‍മാണ പങ്കാളി ആരായിരുന്നു എന്ന് പറയേണ്ടല്ലോ..!
അതുപോലെ തന്നെ ലുസിഫര്‍, എമ്പുരാന്‍ എന്നീ രണ്ട് സിനിമകളിലും നിറഞ്ഞു നില്‍ക്കുന്നത് സാത്താന് സ്തുതികളും, സാത്താന് ബിംബങ്ങളും, ഇല്ലാത്ത ബൈബിള്‍ വചനങ്ങളും, ദൈവ പുത്രന്‍ എന്ന് ക്രിസ്ത്യന്‍ വിശ്വാസികള്‍ വിശ്വസിക്കുന്ന യേശു ക്രിസ്തുവിനെ അവഹേളിക്കലും ഒക്കെയാണ്.
'ലൂസിഫര്‍' എന്നത് പൈശാചികതയുടെ രൂപമാണ് അല്ലെങ്കില്‍ തിന്മയായാണ് ബൈബിളില്‍ പറയുന്നതും, ക്രിസ്തീയ വിശ്വാസവും. സിനിമയില്‍ മോഹന്‍ലാല്‍ ഉപയോഗിക്കുന്ന കാറിന്റെ നമ്പര്‍ 666 ആണ് (സാത്താന്റെ നമ്പര്‍)
കഴുത്ത് ഒടിഞ്ഞു കിടക്കുന്ന യേശുക്രിസ്തുവിന്റെ ക്രൂശിത രൂപത്തില്‍ പാമ്പ് കയറി ഇരിക്കുന്നു. ബൈബിളില്‍ പാമ്പ് എന്നത് പിശാചിന്റെ പ്രതീകം ആണ്.
ലൂസിഫര്‍ ക്ലൈമാക്‌സില്‍ എസ്സെകിയേല്‍ 25:17 എന്ന് പറഞ്ഞ് മോഹന്‍ലാല്‍ പറയുന്ന ബൈബിള്‍ വചനം ബൈബിളില്‍ ഇല്ലാത്തത് ആണ്.!
Memories സിനിമയില്‍ പറയുന്ന 'ദുഷ്ടനെ പനപോലെ വളര്‍ത്തും' എന്നതും ബൈബിള്‍ വചനം അല്ല..! ബൈബിള്‍ പ്രകാരം പന പോലെ വളരുന്നത് നീതിമാനാണ്.
സങ്കീര്‍ത്തനം 92 :12 - 'നീതിമാന്മാര്‍ പനപോലെ തഴയ്ക്കും, ലബനോനിലെ
ദേവതാരു പോലെ വളരും'.
'ദുഷ്ടനെ പനപോലെ വളര്‍ത്തും' എന്നത് സാത്താന്റെ പ്രമാണം ആണ്. ദുഷ്ടത ചെയ്യുന്നവര്‍ അഭിവൃദ്ധി പ്രാപിക്കും എന്ന് പ്രചരിപ്പിക്കുന്നത് സാത്താ ന് വേണ്ടിയാണ്.
ഇനി സിനിമയിലെ ചില ഡയലോഗുകള്‍ നോക്കാം:-
'ദൈവപുത്രന്‍ തന്നെ തെറ്റ് ചെയ്യുമ്പോള്‍ ചെകുത്താന്‍ അല്ലാതെ മറ്റ് ആരെ ആശ്രയിക്കാന്‍' ..! - ദൈവപുത്രന്‍ എന്ന് പറയുന്നത് യേശു ക്രിസ്തു ആണ് എന്നത് ഓര്‍ക്കണം..!
ഒരു തകര്‍ന്ന പള്ളിയുടെ മുന്നില്‍ ഇരുന്ന് മോഹന്‍ലാല്‍ കഥാപാത്രം പറയുന്നു 'ദൈവ പുത്രന്‍ വിതച്ച പാപത്തിന്റെ വിളവെടുക്കാന്‍ കറുത്ത മാലാഖ' എന്ന്.
ഇവിടെയും അവഹേളിക്കുന്നത് യേശു ക്രിസ്തുവിനെ തന്നെയാണ്. അതേസമയം കറുത്ത മാലാഖ എന്ന് പറഞ്ഞ് പിശാചിനെ പുകഴ്ത്തുകയും ചെയ്യുന്നു. അങ്ങാനത്തെ നിരവധി സാത്താന് സ്തുതികള്‍...!
മാറ്റൊരു ക്ലാസ്സിക് ഉദാഹരണം ആണ് ഇറാഖിലെ കാരാഗോഷ് (Qaraghosh) നഗരത്തെ കുറിച്ചുള്ള റഫറന്‍സ്.
ഇസ്ലാമിക ഏകാധിപത്യം കൊടികുത്തി വാണ ഇറാഖിലെ ഒരേ ഒരു ക്രിസ്ത്യന്‍ നഗരം ആണ് കാരാഗോഷ് (Qaraghosh) നഗരം. ISIS എന്ന ജിഹാദി ഭീകരസംഘടന കാരാഗോഷില്‍ കൂട്ടക്കൊല നടത്തിയത് ആരെ ആണ് എന്ന് പറയേണ്ടല്ലോ. കുഞ്ഞു കുട്ടികള്‍ അടക്കം മുഴുവന്‍ ക്രിസ്ത്യന്‍ കാഫിറുകളെ ISIS ല്‍ കാരാഗോഷ് നഗരത്തില്‍ കൊന്നു വീഴ്ത്തി. ബാക്കി ഉള്ളവര്‍ പലായനം ചെയ്തു രക്ഷപെട്ടു. അവിടെ ഉള്ള ക്രിസ്ത്യന്‍ പള്ളികള്‍ എല്ലാം തകര്‍ക്കപ്പെട്ടു.
ആഫ്രിക്കന്‍ ഡ്രഗ് കാര്‍ട്ടല്‍ തലവന്‍ കബൂഗയെ തകര്‍ക്കാന്‍ ലൂസിഫര്‍ COMPROMISE മീറ്റിംഗ് വെക്കാന്‍ ഈ ലോകത്ത് മറ്റൊരിടവും പ്രിത്വിരാജ് തെരെഞ്ഞെടുത്തില്ല. അയാള്‍ തെരെഞ്ഞെടുത്തത് ആ കാരാഗോഷ് (Qaraghosh) ആണ്. അതും കാരാഗോഷ് നഗരത്തിലെ ക്രിസ്ത്യന്‍ പള്ളിക്ക് ഉള്ളില്‍ വച്ചാണ് ആ ചര്‍ച്ച.
എന്ത് കൊണ്ട് ഇറാഖിലെ കാരാഗോഷിലെ ക്രിസ്ത്യന്‍ പള്ളി?
അവിടെ ഉള്ള പള്ളികള്‍ക്കും ദൈവത്തിനും ഒന്നും സാധിക്കാത്ത കാര്യം ലൂസിഫര്‍ ആ പള്ളിക്കുള്ളില്‍ വച്ചു ചെയ്തു കാണിച്ചു. ശത്രുവിനെ തര്‍ക്കുന്നു. തകര്‍ന്ന ദേവാലയത്തില്‍ നീതി നടപ്പാക്കുന്നത് ലൂസിഫര്‍ ആയ നായകന്‍. ആരാണ് ലൂസിഫറിന് വേണ്ടി അത് ചെയ്യുന്നത് എന്നതും ശ്രദ്ധേയമാണ്.
സയ്യിദ് മസൂദ് ആണ് ലൂസിഫറിന് വേണ്ടി ദേവാലയത്തില്‍ നീതി നടപ്പാക്കുന്നത്...!
അവസാനം ആ തകര്‍ന്ന ക്രിസ്ത്യന്‍ പള്ളിയിലേക്ക് ലൂസിഫറിനെ പടിക്കാന്‍ വരുന്ന സൈന്യത്തെ ഇല്ലാതാക്കാന്‍ സയ്യിദ് മസൂദ് ഒരിക്കല്‍ കൂടി ആ ക്രിസ്ത്യന്‍ ദേവാലയം തകര്‍ക്കുന്നു.
ആ സീനിന്റെ അവസാനം മുകളില്‍ നിന്ന് ഒരു കുരിശു ഒടിഞ്ഞു തല കുത്തി വീഴുന്നു. കുരിശിന്റെ മറ്റ് ഭാഗങ്ങള്‍ ഒടിഞ്ഞു പോയി ലൂസിഫറിനെ കുറിക്കുന്ന L ബാക്കി ആവുന്നു. പിന്നില്‍ തകര്‍ന്ന പള്ളിയുടെ ഏരിയല്‍ ഷോട്ട് കാണിച്ചു സീന്‍ അവസാനിക്കുന്നു.
അതായത് ലൂസിഫര്‍ (പിശാച്) ദൈവത്തെ തോല്‍പ്പിക്കുന്നു..!
എമ്പുരാന്‍ എന്ന പേര് തന്നെ ഒളിച്ചു കടത്തല്‍ ആണ്. ക്രിസ്ത്യാനികള്‍ ദൈവത്തെ തമ്പുരാനെ എന്ന് വിളിച്ച് ദിവസവും പ്രാര്‍ത്ഥിക്കും. ഇവിടെ തമ്പുരാനെ എമ്പുരാന്‍ ആക്കി എന്ന് മാത്രം. ദൈവത്തെ മാറ്റി ചെകുത്താനെ വാഴ്ത്തുന്നു.
ഞാന്‍ ഈ എഴുതിയത് സിനിമകളില്‍ പ്രിത്വിരാജ് ഒളിച്ചു കടത്തിയ സാത്താന് വാഴ്ത്തലിന്റെയും, ക്രിസ്ത്യന്‍ വിശ്വാസങ്ങളെ അവഹേളിക്കലിന്റെയും 10% പോലും ആയിട്ടില്ല എന്നോര്‍ക്കണം.
ഹൈന്ദവ വിശ്വാസങ്ങള്‍ക്ക് നേരെയും, ഇന്ത്യ എന്ന രാജ്യത്തിന്റെ അഖണ്ഡതക്ക് നേരെയും എന്ത് വൃത്തികേട് കാണിച്ചാലും ഇവിടെ ആരും ചോദിക്കില്ല, ചോദിച്ചാല്‍ ആവിഷ്‌ക്കാര സ്വാതന്ത്ര്യം, ഫാസിസം എന്നൊക്കെ പറഞ്ഞ് ഇരവാദം ഇറക്കിയാല്‍ മതി എന്ന് അവര്‍ക്ക് അറിയാം. പക്ഷെ അതുപോലെ അല്ല ക്രിസ്ത്യന്‍ വിശ്വാസങ്ങള്‍ക്ക് നേരെ വിഷം തുപ്പിയാല്‍ എന്ന് പ്രിത്വിരാജിന് അറിയാം. അതുകൊണ്ടാണ് വളഞ്ഞ വഴിയില്‍ അതി നീചമായി ക്രിസ്തീയ വിശ്വാസങ്ങള്‍ക്ക് നേരെയും, യേശു ക്രിസ്തുവിന് നേരെയും അവഹേളനം നടത്തുന്നത്.
സിനിമയെ സിനിമ ആയി കണ്ടാല്‍ പോരെ എന്ന് ചോദിക്കുന്നവര്‍ ഉണ്ടാകാം. ന്യായമായ ചോദ്യം, ഇത് ഒന്നോ രണ്ടോ സിനിമകളില്‍ ആണെങ്കില്‍ സമ്മതിക്കാം. പക്ഷെ ഇവിടെ ലൂസിഫര്‍, എമ്പുരാന്‍ തുടങ്ങിയ സിനിമകളില്‍ മാത്രമല്ല ഇത് ഉള്ളത് എന്നത് പ്രത്യേകം എടുത്ത് പറയുന്നു.
എന്താണ് പ്രിത്വിരാജിന്റെ അജണ്ട..? അയാള്‍ ഒറ്റയ്ക്ക് ആണോ..? അതോ അയാളുടെ പിന്നില്‍ ആളുകള്‍ ഉണ്ടോ..?
സാത്താന്റെ സന്തതികള്‍ക്ക് ഈ എഴുതിയത് മനസിലാകില്ല. അവര്‍ ഇവിടെയും വന്ന് പരിഹാസം ചൊരിയുകയും, ആക്രമണം അഴിച്ചു വിടുകയും ചെയ്യും. കാരണം സാത്താന് ഇപ്പോള്‍ ചെറിയ മുന്‍കൈ ഉണ്ട്. ദൈവത്തെ സിനിമയിലൂടെ തോല്‍പ്പിച്ചതിന്റെ ആത്മവിശ്വാസം അവനുണ്ട്.
സാത്താന് സേവകരോട് ബൈബിളില്‍ ഇപ്രകാരം പറയുന്നു :-
2 കൊരിന്ത്യര്‍ 11:14-15
'സാത്താന് താനും വെളിച്ചദൂതന്റെ വേഷം ധരിക്കുന്നുവല്ലോ. ആകയാല്‍ അവന്റെ ശുശ്രൂഷക്കാര്‍ നീതിയുടെ ശുശ്രൂഷക്കാരുടെ വേഷം ധരിച്ചാല്‍ അതിശയമല്ല; അവരുടെ അവസാനം അവരുടെ പ്രവൃത്തികള്‍ക്കു ഒത്തതായിരിക്കും'.
ദൈവത്തിന് മുകളില്‍ സാത്താനെ പ്രതിഷ്ഠിക്കുന്നവന്റെ ഒളിച്ചു കടത്തലുകളാണ് ഇവിടെ ദൈവകൃപയാല്‍ തെളിയുന്നത്. നീ തുറന്നു കാട്ടപ്പെട്ടു കഴിഞ്ഞു. നീ എന്തൊക്കെ ഒളിച്ചു കടത്തിയാലും, നിന്റെ ലക്ഷ്യം എന്ത് തന്നെ ആണെങ്കിലും ആ ലക്ഷ്യത്തില്‍ നിനക്ക് എത്തിച്ചേരന്‍ കഴിയില്ല.
