കാലാവധി കഴിഞ്ഞ ഓര്‍ഡിനറി ബസുകള്‍ നിരത്തൊഴിയും; സര്‍വീസുകളെ കാര്യമായി ബാധിക്കും; കൂടാതെ സാമ്പത്തിക പ്രതിസന്ധിയും രൂക്ഷമാകുന്നു, പ്രതിസന്ധികള്‍ ഒഴിയാതെ കെ.എസ്.ആര്‍.ടി.സി...
കാലാവധി കഴിഞ്ഞ ഓര്‍ഡിനറി ബസുകള്‍ നിരത്തൊഴിയും
തൃശ്ശൂര്‍: ദിനംപ്രതി കെ.എസ്.ആര്‍.ടി.സി യില്‍ ഓരോ പ്രതിസന്ധികള്‍ അതിരൂക്ഷമായി കൊണ്ടിരിക്കുകയാണ്. ബസുകളുടെ കുറവും ജീവനക്കാര്‍ക്ക് കിട്ടാനുള്ള കുടിശ്ശിക മുടക്കം വരുന്നതുമെല്ലാം ഈ പ്രതിസന്ധിക്ക് വളരെയധികം കാരണമാകുന്നു. ഇപ്പോഴിതാ, 1200 ഓര്‍ഡിനറി ബസുകളുടെ കാലാവധി അടുത്തമാസം അവസാനിക്കുകയാണ്. ഇതോടെ വീണ്ടും കെ.എസ്.ആര്‍.ടി.സി പ്രതിസന്ധിയിലാകും. പതിനഞ്ച് വര്‍ഷം കഴിഞ്ഞപ്പോഴാണ് ഓര്‍ഡിനറി സര്‍വീസിന് ഉപയോഗിക്കുന്ന ഈ ബസുകളുടെ കാലാവധി ഒരു വര്‍ഷം കൂടി സര്‍ക്കാര്‍ നീട്ടിനല്‍കിയത്. ഇതോടൊപ്പം അടുത്തമാസം മുതല്‍ ആയിരത്തിലധികം ബസുകള്‍ കൂടി 15 വര്‍ഷം പിന്നിടും. നഗരഗതാഗതത്തിന് 305 മിനിബസുകള്‍ വാങ്ങാന്‍ കരാര്‍നടപടികളിലേക്ക് കടന്നെങ്കിലും സാമ്പത്തിക പ്രതിസന്ധി ഉള്ളതിനാല്‍ സര്‍ക്കാര്‍ ഇക്കാര്യം നിര്‍ത്തിവയ്ക്കുമോ എന്നത് വ്യക്തമല്ല.
ഇത്രയും ബസുകള്‍ നിരത്തുകള്‍ ഒഴിയുന്നതോടെ സര്‍വീസുകളെ കാര്യമായി തന്നെ ബാധിക്കുമെന്നും ഫണ്ട് കുറയ്ക്കരുതെന്നും വ്യക്തമാക്കി ധനവകുപ്പിന് കെ.എസ്.ആര്‍.ടി.സി കത്ത് നല്‍കുകയും ചെയ്തിട്ടുണ്ട്. ഇപ്പോഴത്തെ പ്രതീക്ഷ പ്ലാന്‍ഫണ്ടില്‍ 93 കോടിരൂപ സര്‍ക്കാര്‍ അനുവദിക്കുമെന്നതാണ്. നേരത്തേ ബസ് നല്‍കിയ കമ്പനിക്കും കോച്ച് നിര്‍മിച്ച സ്ഥാപനത്തിനും കുടിശ്ശിക തീര്‍ക്കാനുണ്ട്.
പുതിയ ബസുകള്‍ വാങ്ങാന്‍ അനുമതി ലഭിക്കാത്തതിനാല്‍ പ്രത്യേക ഉത്തരവിലൂടെ 280 ബസുകളുടെ കാലാവധി എട്ടുവര്‍ഷം ദീര്‍ഘിപ്പിക്കുകയായിരുന്നു. പി.എം.ഇ. ബസ് സേവാ പദ്ധതിപ്രകാരം ഇലക്ട്രിക് ബസുകള്‍ നല്‍കാന്‍ കേന്ദ്രസര്‍ക്കാര്‍ തയ്യാറാണെങ്കിലും കേരളം അതിനോട് ഇതുവരെ ഒന്നും പ്രതികരിച്ചിട്ടില്ല. ആദ്യഘട്ടത്തില്‍ കേന്ദ്രത്തിന്റെ ഇ-ബസുകള്‍ ലഭിക്കാന്‍ സംസ്ഥാന ധനവകുപ്പിന്റെ ഗാരന്റി നല്‍കാനുള്ള നീക്കം നടന്നിരുന്നു. പിന്നീട് അതിന്റെ നടപടികള്‍ ഇഴഞ്ഞു നീങ്ങുകയായിരിന്നു .
നിരവധി തവണയാണ് കെ.എസ്.ആര്‍.ടി.സി അധികൃതരും ജീവനക്കാരും തമ്മില്‍ ചര്‍ച്ചകള്‍ നടത്തിയത്. പക്ഷെ എന്നിട്ടും ഇതുവരെ കെ.എസ്.ആര്‍.ടി.സി യിലെ പ്രതിസന്ധികള്‍ക്ക് പരിഹാരം കാണാന്‍ സാധിക്കുന്നില്ല. യാത്രക്കാരുടെ ആവശ്യം, സാമ്പത്തിക പ്രശ്‌നങ്ങള്‍, ജീവനക്കാരുടെ പ്രശ്‌നങ്ങള്‍ എന്നിവ കാരണം പലതും അതിനാല്‍ തിരിച്ചടിക്കാറുണ്ട്. ഇത് കാരണമാണ് സര്‍വീസുകളുടെ കാര്യക്ഷമത കുറയുന്നത്.
പക്ഷെ ചില നല്ല നേട്ടങ്ങളും ഇതോടുകൂടി കെ.എസ്.ആര്‍.ടി.സി കൈവരിച്ചിട്ടുണ്ട്. പുതിയ സര്‍വീസുകള്‍, ടെക്നോളജിയുടെ ഉള്‍പ്പെടുത്തലുകള്‍, സൗകര്യങ്ങള്‍ മെച്ചപ്പെടുത്തല്‍ തുടങ്ങിയവ യാത്രക്കാരന്റെ അനുഭവം മെച്ചപ്പെടുത്താന്‍ സഹായിക്കുന്നതിനുള്ള ശ്രമങ്ങള്‍ ഇതെല്ലാം ഉള്‍പ്പെടുന്നു.
അതുപോലെ കെ.എസ്.ആര്‍.ടി.സി യുടെ സാമ്പത്തിക പ്രതിസന്ധി ബഹുദൂരം നീണ്ടുനില്‍ക്കുകയാണ്, നിരന്തരമായി വരുമാനത്തിലെ കുറവും ഉയര്‍ന്ന ചിലവുകളും കാരണമാണ് ഇത് സംഭവിക്കുന്നത്. നിരവധി സംവരണങ്ങള്‍, കടം, ഇന്ധന വില വര്‍ധന, വാഹനങ്ങളുടെയും ജീവനക്കാരുടെയും വാദങ്ങള്‍ എന്നിവയെല്ലാം കെ.എസ്.ആര്‍.ടി.സി യെ കൂടുതല്‍ പ്രതിസന്ധിയിലേക്ക് തള്ളിവിടുന്നു.
നിലവില്‍, കെ.എസ്.ആര്‍.ടി.സി യുടെ സാമ്പത്തിക നില വളരെ പ്രതിസന്ധിഘട്ടത്തിലെന്നാണ് റിപ്പോര്‍ട്ടുകള്‍ പറയുന്നത്. സര്‍ക്കാരിന്റെ സഹായം കുറവായിരിക്കുന്നു, ഇതോടെ തൊഴിലാളികള്‍ക്കുള്ള ശമ്പളവും മറ്റ് പെന്‍ഷനുകളും തക്കമായി നല്‍കാന്‍ ഇടയ്ക്കിടെ പ്രയാസമാകുന്നു. സംസ്ഥാനത്ത് ഗതാഗത സേവനങ്ങള്‍ പുനരുദ്ധരിക്കാന്‍ അടിയന്തര നടപടികള്‍ എടുക്കേണ്ടത് ആവശ്യമാണ്. ഇത് അധികൃതര്‍ കാര്യമായി തന്നെ ശ്രദ്ധിക്കണം. പക്ഷെ ഈ അടുത്ത കാലത്ത്, കെ.എസ്.ആര്‍.ടി.സി പുതിയ നല്ല നയങ്ങള്‍ നടപ്പിലാക്കുന്നതിലൂടെ വരുമാനം കൂട്ടാന്‍ ശ്രമിക്കുന്നുണ്ട്. എന്നാല്‍, ഇതിന്റെ ഫലങ്ങള്‍ പ്രതീക്ഷിക്കുന്നതില്‍ കൂടുതല്‍ സമയം എടുക്കാന്‍ സാധ്യതയും ഉണ്ട്.
