വൈദ്യുതി വകുപ്പിന്റെ ജീപ്പിന് വട്ടം വച്ച് കാട്ടാന; നിമിഷനേരം കൊണ്ട് പാഞ്ഞടുത്തു; അലറിവിളിച്ച് ജീവനക്കാർ; വണ്ടിക്ക് മുന്നിലെത്തി ഒരു നോട്ടം നൽകിയ ശേഷം ചെയ്തത്; ബൊലേറോ യെ പത്ത് അടിയോളം താഴ്ചയിലേക്ക് കൊമ്പൻ കുത്തി മറിച്ചിട്ടു ; അത്ഭുത രക്ഷപ്പെടൽ; ദൃശ്യങ്ങൾ പുറത്ത്; വാൽപ്പാറയിൽ നടന്നത്!
വാൽപ്പാറ: വൈദ്യുതി ജീവനക്കാർ സഞ്ചരിച്ച ജീപ്പിന് മുന്നിൽ കാട്ടാന വട്ടം വച്ചത് ഭീതി പരത്തി. കാട്ടാനയുടെ പെട്ടെന്നുള്ള ആക്രമണത്തിൽ ജീപ്പിൽ ഉണ്ടായിരുന്ന ജീവനക്കാർ ആശങ്കയിലായി. വാൽപ്പാറയിലാണ് ഞെട്ടിപ്പിക്കുന്ന സംഭവം നടന്നത്. കാട്ടാനയുടെ ആക്രമണത്തിൽ നിന്നും ഇവർ തലനാരിഴയ്ക്കാണ് രക്ഷപ്പെട്ടത്. വാഹനത്തിൽ ഉണ്ടായിരുന്ന മുഴുവൻ ജീവനക്കാരും സേഫ് എന്ന് അധികൃതർ അറിയിച്ചു.
വൈദ്യുതി വകുപ്പിന്റെ ജീപ്പിനോട് കാട്ടാന അക്രമം നടന്നത്. വാൽപ്പാറയിലാണ് സംഭവം. വൈദ്യുതി വകുപ്പിലെ ജീവനക്കാരുമായി എത്തിയ ജീപ്പ് കാട്ടാന ആക്രമിക്കുകയായിരുന്നു. ജീപ്പ് കാട്ടാന ആക്രമിച്ച് പത്ത് അടിയോളം താഴ്ചയിലേക്ക് മറിച്ചിടുകയായിരുന്നു. ജീപ്പിലുണ്ടായിരുന്ന വൈദ്യുതി വകുപ്പിന്റെ എൻജിനീയറും സഹപ്രവർത്തകരും അത്ഭുതകരമായി രക്ഷപ്പെട്ടു. ആനമലയ്ക്ക് സമീപം നവമലയിൽ ജൂനിയർ വൈദ്യുതി വിഭാഗം എൻജിനീയറായ വിശ്വനാഥനും, വൈദ്യുതി വകുപ്പിലെ ജീവനക്കാരും കൂടി അത്താളി അമ്മൻ ക്ഷേത്രം വഴി ആളിയാറിലേക്ക് പോകുമ്പോഴാണ് കാട്ടാനയുടെ മുന്നിൽപ്പെട്ടത്.
കാട്ടാന ജീപ്പിനെ പത്തടി താഴ്ചയിലേക്ക് കുത്തിമറിക്കുകയായിരുന്നു. വൈദ്യുതി വകുപ്പ് ജീവനക്കാർ അത്ഭുതകരമായി രക്ഷപ്പെട്ടെങ്കിലും നിസാരമായ പരിക്കുകൾ ഏറ്റിട്ടുണ്ട്. റോഡിൽ ജീപ്പിന് മുന്നിൽ കാട്ടാനയെ കണ്ട് ജീപ്പ് പിന്നോട്ട് എടുത്തെങ്കിലും ആന ഞൊടിയിടയിൽ പാഞ്ഞടുക്കുകയായിരുന്നു. ജീപ്പിനെ കൊമ്പിൽ കോർത്ത് താഴ്ചയിലേക്ക് മറിച്ചിടുകയായിരുന്നു.
അപകടത്തിൽ ജീപ്പിന്റെ ചില്ലുകളും മുൻ ഭാഗത്തിനും സാരമായ കേടുപാടുകൾ സംഭവിച്ചിട്ടുണ്ട്. വൈദ്യുതി വകുപ്പിന്റെ മഹീന്ദ്ര ബൊലേറോ വാഹനമാണ് അപകടത്തിൽപ്പെട്ടത്. സംഭവത്തിന്റെ ഞെട്ടിപ്പിക്കുന്ന ദൃശ്യങ്ങളും പുറത്തുവിട്ടു.
