ട്രംപ് ജനങ്ങളുടെ കണ്ണിൽ പൊടിയിട്ടതോ? വെടിനിർത്തൽ കരാർ പ്രഖ്യാപിച്ചിട്ടും ഗൾഫിൽ സമാധാനം പുലരുന്നില്ല; കുവൈറ്റിനെ വിടാതെ ഇറാന്റെ മിന്നൽ 'അടി'; നാഷണൽ ഗാർഡിന്റെ സൈറ്റിന് സമീപം ശക്തമായ ഡ്രോൺ ആക്രമണം; ഉഗ്ര ശബ്ദത്തിൽ നടുങ്ങി പ്രദേശം; വ്യാപക നാശനഷ്ടം
കുവൈറ്റ് സിറ്റി: അന്താരാഷ്ട്ര തലത്തിൽ പ്രഖ്യാപിക്കപ്പെട്ട വെടിനിർത്തൽ ധാരണകൾ നിലനിൽക്കെ, കുവൈത്തിന് നേരെ വീണ്ടും ശക്തമായ മിസൈൽ-ഡ്രോൺ ആക്രമണം. കുവൈത്ത് നാഷണൽ ഗാർഡിന്റെ തന്ത്രപ്രധാനമായ ഒരു സൈറ്റിന് നേരെയാണ് ഡ്രോൺ ആക്രമണമുണ്ടായത്. ആക്രമണത്തിൽ വലിയ തോതിലുള്ള നാശനഷ്ടങ്ങൾ സംഭവിച്ചുവെങ്കിലും ആളപായമൊന്നും റിപ്പോർട്ട് ചെയ്തിട്ടില്ലെന്ന് നാഷണൽ ഗാർഡ് അധികൃതർ സ്ഥിരീകരിച്ചു.
സംഭവത്തെ തുടർന്ന് നാഷണൽ ഗാർഡ് ജനറൽ ഡോ. ജദ്ആൻ ഫാദൽ ഔദ്യോഗിക പ്രസ്താവന പുറത്തിറക്കി. രാജ്യത്തിന്റെ പ്രധാന അടിസ്ഥാന സൗകര്യങ്ങൾ സംരക്ഷിക്കുന്നതിനായി സേന അതീവ ജാഗ്രതയിലാണെന്നും ഏത് സാഹചര്യത്തെയും നേരിടാൻ സജ്ജമാണെന്നും അദ്ദേഹം വ്യക്തമാക്കി. സൈന്യം, പോലീസ്, ഫയർ ഫോഴ്സ് എന്നിവയുമായി ചേർന്ന് സംയുക്തമായാണ് സുരക്ഷാ ക്രമീകരണങ്ങൾ ഏകോപിപ്പിക്കുന്നത്. ഔദ്യോഗിക കേന്ദ്രങ്ങളിൽ നിന്നുള്ള വിവരങ്ങൾ മാത്രം ജനങ്ങൾ വിശ്വസിക്കണമെന്നും അഭ്യൂഹങ്ങൾ പ്രചരിപ്പിക്കരുതെന്നും അദ്ദേഹം അഭ്യർത്ഥിച്ചു.
ഈ ആക്രമണം കേവലം ഒരു പ്രാദേശിക സംഭവം എന്നതിലുപരി, അമേരിക്കയും ഇറാനും തമ്മിൽ നേരത്തെ ഒപ്പിട്ട വെടിനിർത്തൽ കരാറിനെ വലിയ പ്രതിസന്ധിയിലാക്കിയിരിക്കുകയാണ്. പുതിയ സമാധാന ചർച്ചകൾ ആരംഭിക്കാനിരിക്കെ ഉണ്ടായ ഈ അസ്വാരസ്യങ്ങൾ ആഗോള രാഷ്ട്രീയത്തെയും സാമ്പത്തിക രംഗത്തെയും ഒരുപോലെ ബാധിക്കുന്നുണ്ട്.
തന്ത്രപ്രധാനമായ ഹോർമുസ് കടലിടുക്കിൽ ഇറാൻ നൽകിയ വാഗ്ദാനങ്ങൾ ലംഘിച്ചുവെന്ന് യുഎസ് കുറ്റപ്പെടുത്തുന്നു.ഇസ്രായേൽ ലെബനനിൽ തുടർച്ചയായി നടത്തുന്ന ആക്രമണങ്ങൾ വെടിനിർത്തൽ ധാരണയുടെ നഗ്നമായ ലംഘനമാണെന്നാണ് ഇറാന്റെ പക്ഷം. ഹോർമുസ് കടലിടുക്കിലെ ഉപരോധം ചർച്ചകൾക്ക് മുൻപ് പൂർണ്ണമായും നീക്കില്ലെന്ന നിലപാടിലാണ് ഇറാൻ. ഇത് മേഖലയിലെ കപ്പൽ ഗതാഗതത്തെയും എണ്ണ വിതരണത്തെയും ബാധിച്ചിട്ടുണ്ട്.
മധ്യേഷ്യയിലെ രാഷ്ട്രീയ സംഘർഷങ്ങൾ ആഗോള എണ്ണ വിപണിയെ കടുത്ത സമ്മർദ്ദത്തിലാക്കിയിരിക്കുകയാണ്. കരാർ വ്യവസ്ഥകൾ ലംഘിക്കപ്പെടുന്നു എന്നാരോപിച്ച് ഇറാൻ എണ്ണ വിതരണത്തിൽ നിയന്ത്രണങ്ങൾ ഏർപ്പെടുത്തി. ഇതേത്തുടർന്ന് എണ്ണക്കയറ്റുമതിയിൽ വലിയ ഇടിവുണ്ടായിട്ടുണ്ട്. ഇത് വരാനിരിക്കുന്ന ഉന്നതതല നയതന്ത്ര ചർച്ചകളുടെ വിജയസാധ്യതയെ മങ്ങലേൽപ്പിക്കുന്നു.
സമാധാന ശ്രമങ്ങൾ പാളുന്നത് മേഖലയിൽ വീണ്ടും ഒരു വലിയ സൈനിക നീക്കത്തിന് വഴിവെക്കുമോ എന്ന ആശങ്കയിലാണ് നയതന്ത്ര വിദഗ്ധർ. കുവൈത്തിന് നേരെയുണ്ടായ പുതിയ ആക്രമണം ഈ ആശങ്കയ്ക്ക് ആക്കം കൂട്ടുന്നു. വരും ദിവസങ്ങളിലെ അന്താരാഷ്ട്ര ഇടപെടലുകൾ പശ്ചിമേഷ്യയുടെ ഭാവി നിർണ്ണയിക്കുന്നതിൽ നിർണ്ണായകമാകും.
അതേസമയം യുണൈറ്റഡ് സ്റ്റേറ്റ്സും ഇറാനും തമ്മിൽ നേരത്തെ ഒപ്പിട്ട വെടിനിർത്തൽ കരാർ വലിയ പ്രതിസന്ധിയിലേക്ക് നീങ്ങുന്നതായാണ് റിപ്പോർട്ടുകൾ. പുതിയ ചർച്ചകൾ ആരംഭിക്കാനിരിക്കെ, ഇരുരാജ്യങ്ങളും തമ്മിലുള്ള അസ്വാരസ്യങ്ങൾ വർദ്ധിച്ചത് ആഗോള എണ്ണ വിപണിയെയും സമ്മർദ്ദത്തിലാക്കിയിരിക്കുകയാണ്. ഹോർമുസ് കടലിടുക്കിൽ ഇറാൻ വാഗ്ദാനങ്ങൾ ലംഘിച്ചുവെന്ന് അമേരിക്ക ആരോപിച്ചതും, ഇസ്രായേൽ ലെബനനെ ആക്രമിച്ചത് വെടിനിർത്തൽ ധാരണയുടെ ലംഘനമെന്ന് ഇറാൻ കുറ്റപ്പെടുത്തിയതുമാണ് ഇപ്പോൾ ഉയർന്നിരിക്കുന്ന പ്രതിഷധത്തിന് കാരണം.
ഹോർമുസ് കടലിടുക്കിലെ ഉപരോധം ചർച്ചകൾക്ക് മുൻപ് പൂർണമായും ഒഴിവാക്കില്ലെന്ന നിലപാടിലാണ് ഇറാൻ. ലെബനനിലേക്ക് ഇസ്രായേൽ തുടർച്ചയായി ആക്രമണം നടത്തുന്നതിൽ കടുത്ത വിമർശനവും ഇറാൻ ഉന്നയിക്കുന്നു. കരാറിന്റെ ഭാഗമായുള്ള നിബന്ധനകൾ ലംഘിക്കപ്പെടുന്നു എന്നാരോപിച്ച് ഇറാൻ എണ്ണ വിതരണത്തിൽ നിയന്ത്രണങ്ങൾ ഏർപ്പെടുത്തിയതാണ് നിലവിലെ പ്രതിസന്ധിക്ക് പ്രധാന കാരണം.
മധ്യേഷ്യയിലെ രാഷ്ട്രീയ സാഹചര്യങ്ങളും ഉപരോധങ്ങളുമായി ബന്ധപ്പെട്ട തർക്കങ്ങളും കാരണം എണ്ണക്കയറ്റുമതിയിൽ വലിയ ഇടിവുണ്ടായിട്ടുണ്ട്. ഇത് വരാനിരിക്കുന്ന ഉന്നതതല ചർച്ചകൾക്ക് തിരിച്ചടിയാകുമെന്ന് നയതന്ത്ര വിദഗ്ധർ വിലയിരുത്തുന്നു. സമാധാന ശ്രമങ്ങൾ പാളുന്നത് മേഖലയിൽ വീണ്ടും സംഘർഷസാധ്യത വർദ്ധിപ്പിക്കുന്നുണ്ട്.
