മുംബൈ: പാക്കിസ്ഥാനെതിരായ ഏഷ്യാ കപ്പ് ക്രിക്കറ്റ് മത്സരത്തിൽ ഇന്ത്യ പങ്കെടുക്കുന്നതിനെതിരെ ശിവസേന രംഗത്ത്. ബിസിസിഐ ദേശവിരുദ്ധമായി പ്രവർത്തിക്കുകയാണെന്നും, പണത്തോടുള്ള അത്യാഗ്രഹം കാരണം ഇന്ത്യ പാക്കിസ്ഥാനെതിരെ കളിക്കാൻ തയ്യാറാകുന്നത് ശരിയായ നടപടിയല്ലെന്നും ശിവസേന നേതാവ് ആദിത്യ താക്കറെ ആരോപിച്ചു.

പാക്കിസ്ഥാൻ ഇന്ത്യക്കെതിരെ നിരന്തരമായി ആക്രമണം അഴിച്ചുവിട്ടിട്ടും, 'ചോരയും വെള്ളവും ഒരുപോലെ ഒഴുകാനാകില്ല' എന്ന യാഥാർത്ഥ്യം നിലനിൽക്കുമ്പോഴും എന്തിനാണ് ഇന്ത്യ കളിക്കുന്നതെന്ന് അദ്ദേഹം ചോദ്യം ചെയ്തു. പാക്കിസ്ഥാൻ ഏഷ്യാ കപ്പ് ബഹിഷ്കരിക്കാൻ തയ്യാറാണെങ്കിൽ, ഇന്ത്യക്കും സമാനമായ നിലപാട് സ്വീകരിക്കാമെന്നും താക്കറെ കൂട്ടിച്ചേർത്തു.

ടി.വി. സംപ്രേഷണാവകാശത്തിൽ നിന്നും പരസ്യങ്ങളിൽ നിന്നുമുള്ള വരുമാനത്തോടുള്ള അത്യാഗ്രഹമാണ് ബിസിസിഐയുടെ ഈ നടപടിക്ക് പിന്നിലെ പ്രധാന കാരണമെന്നും അദ്ദേഹം കുറ്റപ്പെടുത്തി. യഥാർത്ഥ ബിജെപി അധികാരത്തിലിരുന്നെങ്കിൽ ഇത് അനുവദിക്കുമായിരുന്നില്ല. ബിജെപി അവരുടെ പ്രത്യയശാസ്ത്രം മാറ്റിയെന്നും അദ്ദേഹം കൂട്ടിച്ചേർത്തു.

പാക്കിസ്ഥാൻഇന്ത്യഏഷ്യ കപ്പ്ശിവസേന

സ്വന്തം ലേഖകൻ