വൗ മോം ' - അമ്മമാര്‍ക്കും മക്കള്‍ക്കും മത്സര അരങ്ങുമായി സമാജം വനിതാ വേദി
മനാമ: ബഹ്‌റൈനിലെ പ്രവാസി മലയാളികളായ അമ്മമാര്‍ക്കും അവരുടെ 5 മുതല്‍ 13 വയസ്സ് വരെ പ്രായമുള്ള കുട്ടികള്‍ക്കുമായി ബഹ്റൈന് കേരളീയ സമാജം വനിതാ വേദിയുടെ ആഭിമുഖ്യത്തില്‍ ' വൗ മോം' എന്ന വിനോദാധിഷ്ഠിത കലാവൈജ്ഞാനിക മത്സരം സംഘടിപ്പിക്കുന്നതായി സമാജം പ്രസിഡന്റ് പി വി രാധാകൃഷ്ണ പിള്ള ജനറല്‍ സെക്രട്ടറി വര്‍ഗീസ് കാരക്കല്‍ എന്നിവര്‍ വാര്‍ത്താ സമ്മേളനത്തില്‍ അറിയിച്ചു .
മത്സരങ്ങള്‍ ജനുവരി 9 ന് ആരംഭിച്ച് 31 ന് ഗ്രാന്റ് ഫിനാലെയോടെ സമാപിക്കും.കുട്ടിയുടെ മാനസികാരോഗ്യത്തിലും സ്വാഭാവ രൂപീകരണത്തിലും അമ്മമാര്‍ വഹിക്കുന്ന അതുല്യമായ പങ്കിനെ ഓര്‍മ്മപ്പെടുത്തുന്നതിനൊപ്പം
അമ്മയും കുഞ്ഞും തമ്മിലുള്ള ബന്ധം ശക്തിപ്പെടുത്തുന്നതിനും, അവരുടെ സമഗ്രമായ വളര്‍ച്ചയെ പ്രോത്സാഹിപ്പിക്കുന്നതിനുമായാണ് 'വൗ മോം' എന്ന പരിപാടി സംഘടിപ്പിക്കുന്നതെന്ന് സമാജം വനിതാ വേദി പ്രസിഡന്റ് മോഹിനി തോമസ്സും സെക്രട്ടറി ജയ രവികുമാറും വാര്‍ത്താ സമ്മേളനത്തില്‍ അറിയിച്ചു.
പങ്കെടുക്കുന്നവര്‍ക്ക് അവര്‍ തെരഞ്ഞെടുക്കുന്ന വിഷയങ്ങളെ അടിസ്ഥാനമാക്കി വിവിധ മേഖലകളില്‍ അവരുടെ കഴിവുകള്‍ പ്രകടിപ്പിക്കാനുള്ള അവസരങ്ങള്‍ ലഭിക്കുന്ന ടാലന്റ് റൗണ്ട്, ഇന്ത്യന്‍ സിനിമയില്‍ നിന്നുളള നൃത്തങ്ങള്‍ മാത്രം തെരഞ്ഞെടുത്ത് അവതരിപ്പിക്കുന്നതിനുള്ള സിനിമാറ്റിക് ഡാന്‍സ് റൗണ്ട്,
മത്സരാര്‍ത്ഥിയുടെ കുടുംബാംഗങ്ങള്‍ക്കും പങ്കാളിത്തം ലഭിക്കുന്ന ഫാമിലി ചിത്രീകരണ റൗണ്ട്, മുന്‍കൂട്ടി നല്‍കുന്ന വിഷയത്തെ ആസ്പദമാക്കിയുള്ള സംഭാഷണ റൗണ്ട്, ഫാഷന്‍ ഷോ, ചോദ്യോത്തര റൗണ്ട് എന്നിങ്ങനെ വ്യത്യസ്ഥങ്ങളായ റൗണ്ടുകള്‍ അടങ്ങിയതാണ് മത്സരം.
ഓരോ റൗണ്ടിലും കാഴ്ചവെയ്ക്കുന്ന. പ്രകടനത്തിന്റെ അടിസ്ഥനത്തില്‍ മികച്ച അമ്മയെയും രണ്ട്, മൂന്ന് സ്ഥാനക്കാരെയും നിര്‍ണ്ണയിക്കുന്നതിനൊപ്പം പ്രേക്ഷക വോട്ടെടുപ്പിലൂടെ മികച്ച ജനപ്രിയ അമ്മയെയും തെരഞ്ഞെടുക്കുമെന്നും, മത്സരാര്‍ഥികള്‍ കര്‍ട്ടന്‍ റൈസര്‍ പ്രോഗ്രാമിന് മുന്‍പായി സ്വയം ആമുഖത്തോടെ ഒരു മിനിറ്റ് ദൈര്‍ഘ്യമുള്ള വീഡിയോ സമര്‍പ്പിക്കണമെന്നും സംഘാടകര്‍ വ്യക്തമാക്കി.മത്സരത്തെക്കുറിച്ചുള്ള
കൂടുതല്‍ വിവരങ്ങള്‍ക്ക്: നിമ്മി റോഷന്‍ 32052047, വിജിന സന്തോഷ് 39115221
പത്രസമ്മേളനത്തില്‍ പങ്കെടുത്തവര്‍ ,പ്രസിഡന്റ് പിവി രാധാകൃഷ്ണപിള്ള ,ജനറല്‍സെക്രട്ടറി വര്‍ഗീസ് കാരക്കല്‍,വൈസ് പ്രസിഡന്റ് ദിലീഷ് കുമാര്‍,
എന്റര്‍ടൈന്‍മെന്റ് സെക്രട്ടറി റിയാസ്,ലിറ്റററി വിംഗ് സെക്രട്ടറി വിനയചന്ദ്രന്‍ വനിതാ വേദി പ്രസിഡന്റ് മോഹിനി തോമസ് സെക്രട്ടറി ജയ രവികുമാര്‍ എന്റര്‍ടൈന്‍മെന്റ് സെക്രട്ടറി വിജിന സന്തോഷ് അസിസ്റ്റന്റ് സെക്രട്ടറി ജോബി ഷാജന്‍ PRO ഗീത പ്രകാശ് ,എക്‌സ്ട്രാ കരിക്കുലര്‍ രചന അഭിലാഷ്,സ്‌പോര്‍ട്‌സ് & ഗെയിംസ് വിങ് ധന്യ ശ്രീലാല്‍ ചാരിറ്റി വിങ് ദിവ്യ മനോജ്