ബഹ്റൈന് കേരളീയ സമാജം ശ്രാവണം 2025': 'വിന്ധ്യാവലി'നൃത്ത സംഗീത നാടകം അരങ്ങേറും
മനാമ: ഓണാഘോഷത്തോടനുബന്ധിച്ച് ബഹ്റൈന് കേരളീയ സമാജം നടത്തുന്ന 'ശ്രാവണം 2025' ന്റെ ഭാഗമായി സമാജം വനിതാ വേദിയുടെ ആഭിമുഖ്യത്തില്‍ 'വിന്ധ്യാവലി' എന്ന നൃത്ത സംഗീത നാടകം അരങ്ങേറും.
വനിതാ വേദി പ്രസിഡന്റ് മോഹിനി തോമസിന്റെ നേതൃത്വത്തില്‍ സെപ്റ്റംബര്‍ 25 നടത്തുന്ന പരിപാടിയുടെ ഒരുക്കങ്ങള്‍ ആരംഭിച്ചു. സമാജത്തിന്റെ എല്ലാ പ്രവര്‍ത്തനങ്ങളിലും വനിതാ വേദി സജീവമാണ്.
ബഹ്‌റൈനിലെ വിവിധ വേദികളിലും സൂര്യ ഫെസ്റ്റിവലിലും കലാമൂല്യമുള്ള അത്യപൂര്‍വമായ കലാപരിപാടികള്‍ അവതരിപ്പിച്ച് പ്രേക്ഷകരുടെ മുക്തകണ്ഠ പ്രശംസ ഏറ്റുവാങ്ങിയ ബഹ്‌റൈനിലെ പ്രമുഖ നൃത്താധ്യാപികയായ വിദ്യശ്രീയാണ് ''വിന്ധ്യാവലി ' യുടെ കഥ, തിരക്കഥ, സംവിധാനം നിര്‍വ്വഹിക്കുന്നത്.
പ്രശസ്ത സംഗീതജ്ഞരായ പാലക്കാട് ശ്രീറാം, മൃദംഗ വിദ്വാന്‍ സര്‍വേഷ് കാര്‍ത്തിക് എന്നിവരാണ് സംഗീതം നല്‍കുന്നത്. പരിപാടിയുടെ ഒരുക്കങ്ങള്‍ക്കായി വിപുലമായ കമ്മിറ്റി രൂപീകരിച്ചിട്ടുണ്ട്.
വനിതാവേദി കോ ഓര്‍ഡിനേറ്റര്‍ ദിവ്യ മനോജ്, ജോയിന്റ് കണ്‍വീനര്‍മാരായ ജെനി സിക്കു ഫിലിപ്പ്, ശരണ്യ അരുണ്‍, അനിത തുളസി എന്നിവര്‍ക്കൊപ്പം മനോജ് ഉത്തമന്‍, അരുണ്‍ ആര്‍ പിള്ള, വിജിന സന്തോഷ്, നിമ്മി റോഷന്‍, ധന്യ ശ്രീലാല്‍, രചന അഭിലാഷ്, വിദ്യ വൈശാഖ്, ജോബി ഷാജന്‍, സുവിത രാകേഷ്, പ്രശോഭ്,ബബിത ജഗദീഷ്, ധനേഷ്, ജയ കുമാര്‍ വയനാട്, ഹരിഷ് മേനോന്‍, ഉണ്ണി പിള്ള, സുനേഷ് സാസ്‌കോ തുടങ്ങിയവരും കമ്മിറ്റിയില്‍ അംഗങ്ങളാണ്.
പരിപാടി കാണികള്‍ക്ക് നല്ലൊരു അപൂര്‍വ കലാ വിരുന്നാകുമെന്ന് ബഹ്റൈന് കേരളീയ സമാജം പ്രസിഡന്റ് പി വി രാധാകൃഷ്ണ പിള്ള, വൈസ് പ്രസിഡന്റ് ദിലീഷ് കുമാര്‍, സമാജം ജനറല്‍ സെക്രട്ടറി വര്‍ഗീസ് കാരക്കല്‍, ഓണാഘോഷ കമ്മിറ്റി കണ്‍വീനര്‍ വര്‍ഗീസ് ജോര്‍ജ് എന്നിവര്‍ അറിയിച്ചു.