ഗ്ലോബല്‍ എന്‍ ആര്‍ ഐ വെല്‍ഫെയര്‍ അസോസിയേഷന്‍ ബഹ്റൈന് ചാപ്റ്റര്‍ മെഡിക്കല്‍ ക്യാമ്പ് നടത്തി
മനാമ:- ഗ്ലോബല്‍ എന്‍. ആര്‍. ഐ വെല്‍ഫെയര്‍ അസോസിയേഷന്‍ ബഹ്റൈന് ചാപ്റ്ററും അല്‍ഹിലാല്‍ മനാമ സെന്‍ട്രലും സംയുക്തമായി മെഡിക്കല്‍ ക്യാമ്പ് സംഘടിപ്പിച്ചു.നാനൂറോളം പേര്‍ക്ക് ക്യാമ്പ് കൊണ്ട് വിവിധ ബ്ലഡ് ടെസ്റ്റ് നടത്തുവാനുള്ള സൗജന്യ അവസരം ലഭിച്ചു. തുടര്‍ന്നുള്ള 15 ദിവസം സ്‌പെഷ്യലിസ്റ്റ് ഡോക്ടറുടെ സേവനവും നേത്രപരിശോധയും ക്യാമ്പിന്റെ ഭാഗമായി ഇതില്‍ പങ്കെടുത്തവര്‍ക്ക് ലഭിക്കും.
പ്രസിഡണ്ട് ജാബിര്‍ വൈദ്യരകത്തിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ ജനറല്‍ സെക്രട്ടറി ഗ്ലാഡ്സ്റ്റണ്‍ റിക്കി സ്വാഗതം പറഞ്ഞു. ബഹ്‌റൈനിലെ സാമൂഹ്യ ജീവകാരുണ്യ പ്രവര്‍ത്തന രംഗത്തെ നിറസാന്നിധ്യമായ ഫസല്‍ ഭായ് ഉദ്ഘാടനം ചെയ്തു. ഗ്ലോബല്‍ എന്‍. ആര്‍. ഐ വെല്‍ഫെയര്‍ അസോസിയേഷന്‍ ബഹ്റൈന് ചാപ്റ്റര്‍ നടത്തി വരുന്ന ജീവകാരുണ്യ പ്രവര്‍ത്തനങ്ങളെ അദ്ദേഹം പ്രശംസിച്ചു. ചടങ്ങില്‍ അല്‍ഹിലാല്‍ ഹോസ്പിറ്റലിന് വേണ്ടി നൗഫല്‍ ഫറോഖ് കിഷോര്‍ മംഗലാപുരം എന്നിവര്‍ ആശംസകളറിയിക്കുകയും സംഘടനാ രക്ഷാധികാരിയായ സലീന റാഫിയില്‍ നിന് അല്‍ഹിലാലിന് വേണ്ടി മെമന്റോ ഏറ്റുവാങ്ങുകയും ചെയ്തു.
അല്‍ഹിലാല്‍ മെഡിക്കല്‍ സെന്റര്‍ ഡോക്ടേഴ്സിനും പാരാമെഡിക്കല്‍ സ്റ്റാഫുകള്‍ക്കും സഹായകമായി ഗ്ലോബല്‍ എന്‍. ആര്‍.ഐ ബഹ്റൈന് ചാപ്റ്റര്‍ എക്‌സിക്യുട്ടീവ് കമ്മിറ്റി മെമ്പേഴ്‌സ്, വനിതാ വിഭാഗം കോര്‍ഡിനേറ്റര്‍ ഷംന ഫവാസ് ന്റെ നേതൃത്വത്തില്‍ എല്ലാ പ്രവവര്‍ത്തകരും ക്യാമ്പ് വിജയകരമാക്കുവാന്‍ പ്രയത്‌നിച്ചു. ബിക്കോ പ്രതിനിധി നിതിന്‍ കണ്ണൂര്‍ സന്നിഹിതനായ യോഗത്തില്‍ മെഡിക്കല്‍ ക്യാമ്പ് പ്രോഗ്രാം കണ്‍വീനര്‍ ജാഷിദ് മഞ്ചേരി നന്ദി അറിയിച്ചു.