അനു കെ വര്‍ഗീസിന് ഫ്രണ്ട്സ് ഓഫ് ബഹ്റൈന്‍ യാത്ര അയപ്പ് നല്‍കി
ബഹ്റൈന്‍ പ്രവാസ ജീവിതം അവസാനിപ്പിച്ചു യുണൈറ്റഡ് സ്റ്റേറ്റ്‌സ് ഓഫ് അമേരിക്കയിലേക്ക് യാത്രയാവുന്ന അനു കെ വര്‍ഗീസിന് ഫ്രണ്ട്സ് ഓഫ് ബഹ്റൈന്‍ യാത്ര അയപ്പ് നല്‍കി. കഴിഞ്ഞ ഇരുപതു വര്‍ഷക്കാലമായി ബഹറിന്‍ പ്രവാസിയായിരുന്ന അനു ഇന്ത്യന്‍ ഓര്‍ത്തഡോക്‌സ് പള്ളിയുടെ മാനേജിങ് കമ്മിറ്റി മെമ്പര്‍, യുവജന പ്രസ്ഥാനം സെക്രട്ടറി, വൈസ് പ്രസിഡണ്ട്, അടൂര്‍ അസോസിയേഷന്‍ സെക്രട്ടറി, പ്രസിഡണ്ട് തുടങ്ങി ബഹ്റൈന്റെ സാംസ്‌കാരിക പൊതു മണ്ഡലങ്ങളിലെ നിറ സാന്നിധ്യമായിരുന്നു.
ഇന്ത്യന്‍ ഡിലൈറ്‌സ് റെസ്റ്റോറന്റ് ഹാളില്‍ സംഘടിപ്പിച്ച യാത്ര അയപ്പ് യോഗത്തില്‍ ICRF ചെയര്‍മാന്‍ വി കെ തോമസ്, എന്‍ കെ മാത്യു എന്നിവര്‍ ചേര്‍ന്ന് ഉപഹാരം സമര്‍പ്പിച്ചു. ബിനോജ് മാത്യു സ്വാഗതം പറഞ്ഞു, അടൂര്‍ അസോസിയേഷന്‍ പ്രസിഡണ്ട് ബിനു രാജ് തരകന്‍, വര്‍ഗീസ് ടി ഐപ്പ്, എബി കുരുവിള, എ ഒ ജോണി, ഷിബു സി ജോര്‍ജ്, സജി ഫിലിപ്പ് എന്നിവര്‍ ആശംസകള്‍ നേര്‍ന്നു. അജു ടി കോശി നന്ദി അറിയിച്ചു
