മനാമ: മെച്ചപ്പെട്ട ഭാവിയും ഒരുമിച്ചുള്ള കുടുംബ ജീവിതവും മോഹിച്ചു പ്രവാസ സ്വപ്നങ്ങളുമായി സന്ദര്‍ശന വിസയില്‍ എത്തി പ്രയാസത്തില്‍ അകപ്പെട്ട കുടുംബത്തിന് നാട് അണയാന്‍ കൈകോര്‍ത്ത് പ്രവാസി വെല്‍ഫെയറിന്റെ സേവന വിഭാഗമായ ടീം വെല്‍കെയര്‍.
ബിരുദധാരിയായ വീട്ടമ്മയും കുഞ്ഞും നല്ലൊരു ജോലി ലഭിച്ചാല്‍ ഭാവി ജീവിതം സുരക്ഷിതമാക്കാം എന്ന പ്രതീക്ഷയിലാണ് ബഹ്‌റൈനില്‍ സന്ദര്‍ശക വിസയില്‍ വിമാനം ഇറങ്ങിയത്. പക്ഷേ വിസ നിയമങ്ങളുടെ കണിശത മൂലം പ്രതീക്ഷകള്‍ തെറ്റി. ബഹ്‌റൈനിലെ ജീവിതവും നാട്ടിലേക്കുള്ള തിരിച്ചു പോക്കും ചോദ്യചിഹ്നമായ സന്ദര്‍ഭത്തില്‍ പ്രവാസി വെല്‍ഫെയറിന്റെ സേവന വിഭാഗമായ ടീം വെല്‍കെയര്‍ ഉദാരമദികളുടെ സഹായത്തോടെ നാട്ടിലേക്ക് പോകുന്നതിനുള്ള യാത്രാ ടിക്കറ്റ് നല്‍കിയപ്പോള്‍ പ്രവാസി മിത്ര ഗള്‍ഫ് കിറ്റ് നല്കി.
കഴിഞ്ഞ ദിവസം നാട്ടിലെത്തിയ കുടംബത്തിന്റെ പ്രയാസ രഹിത മടക്കയാത്രയ്ക്ക് നേതൃത്വം നല്‍കിയ ഷിജിന ആഷിക്, ബഷീര്‍ വൈക്കിലശ്ശേരി, ഹാഷിം തുടങ്ങിയ ടീം വെല്‍കെയര്‍ അംഗങ്ങള്‍ക്കും ഗള്‍ഫ് കിറ്റ് നല്‍കിയ പ്രവാസി മിതക്കും മറ്റ് ഉദാരമദികള്‍ക്കും പ്രവാസി വെല്‍ഫെയറിന്റെയും ടീം വെല്‍കെയറിന്റെയും നന്ദിയും കടപ്പാടും അറിയിക്കുന്നതായി വെല്‍കെയര്‍ കണ്‍വീനര്‍ മുഹമ്മദലി മലപ്പുറം പറഞ്ഞു.