'മന്ദാകിനി'ക്ക് ശേഷം വീണ്ടും അൽത്താഫ്-അനാർക്കലി മരക്കാർ കോമ്പോ; കോമഡി ജോണറിൽ ഒരുങ്ങുന്ന ചിത്രത്തിന്റെ ഷൂട്ടിംഗ് ആരംഭിച്ചു
വളരെ രസകരമായ കഥാസന്ദർഭങ്ങളുമായെത്തി പ്രേക്ഷരെ ചിരിപ്പിച്ച ചിത്രമായിരുന്നു 'മന്ദാകിനി'. ചിത്രത്തിലെ അൽത്താഫ് അനാർക്കലി മരക്കാർ കോമ്പോ ഏറെ ശ്രദ്ധ നേടി. മന്ദാകിനി എന്ന ചിത്രത്തിന് ശേഷം നടൻ അൽത്താഫും അനാർക്കലി മരക്കാറും വീണ്ടും ഒന്നിക്കുന്നു എന്ന വാർത്തയാണ് ഇപ്പോൾ പുറത്ത് വരുന്നത്. ജോമോൻ ജ്യോതിറും പ്രധാന വേഷത്തിൽ എത്തുന്ന ചിത്രത്തിന്റെ ഷൂട്ടിംഗ് ആരംഭിച്ചു. കോമഡി ജോണറിലാണ് ചിത്രം ഒരുക്കുന്നത്.
എലമെന്‍റ്സ് ഓഫ് സിനിമയുടെ ബാനറിൽ എം ശ്രീരാജ് എ.കെ.ഡി നിർമ്മിക്കുന്ന സിനിമ സംവിധാനം ചെയ്യുന്നത് സതീഷ് തൻവിയാണ്. അസീസ് നെടുമങ്ങാട്, അന്ന പ്രസാദ് തുടങ്ങി നിരവധി താരങ്ങളാണ് ചിത്രത്തിൽ ഒരുമിക്കുന്നത്. ജി. മാർത്താണ്ഡൻ, അജയ് വാസുദേവ്, ഡിക്സൺ പൊടുത്താസ് എന്നിവരാണ് എക്സി.പ്രൊഡ്യൂസർമാർ. ഷിഹാബ് കരുനാഗപ്പിള്ളിയുടെ കഥയ്ക്ക് ഷിഹാബും സർജി വിജയനും സതീഷ് തൻവിയും ചേർന്നാണ് തിരക്കഥയും സംഭാഷണവും ഒരുക്കിയിരിക്കുന്നത്.
സിനിമയുടെ ചിത്രീകരണം എറണാകുളം, തിരുവനന്തപുരം എന്നിവിടങ്ങളിലായാണ് നടക്കുന്നത്. നിഖിൽ എസ് പ്രവീൺ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് മഹേഷ് ഭുവനേന്ദ് ആണ്. മണികണ്ഠൻ അയ്യപ്പനാണ് ചിത്രത്തിനായി സംഗീതം ഒരുക്കുന്നത്.
കോസ്റ്റ്യൂം ഡോണ മറിയം ജോസഫ്, മേക്കപ്പ് സുധി ഗോപിനാഥ്, ആ‍ർട്ട് മധുരാഘവൻ, ചീഫ് അസോസിയേറ്റ് സുമിലാൽ സുബ്രഹ്മണ്യൻ, പ്രൊഡക്ഷൻ കൺട്രോളർ രാഹുൽ രാജാജി, പബ്ലിസിറ്റി ഡിസൈന‍ർ ആന്‍റണി സ്റ്റീഫൻ, മാർക്കറ്റിങ് ഹെയിൻസ്, പിആർഒ ആതിര ദിൽജിത്ത് എന്നിവരാണ് മറ്റ് അണിയറ പ്രവർത്തകർ.