'വെൽക്കം ടു മാഡ്‌നെസ്സ്..'; മാസ് കോമഡി എന്റർടെയ്നറുമായി ജനപ്രിയ നായകൻ; ഒപ്പം ധ്യാനും, വിനീത് ശ്രീനിവാസനും; ദിലീപിന്റെ 'ഭ.ഭ.ബ'യുടെ ടീസർ പുറത്ത്
കൊച്ചി: റിലീസിനൊരുങ്ങുന്നു 'ഭ.ഭ.ബ' എന്ന ചിത്രത്തിലൂടെ മികച്ചൊരു തിരിച്ചു വരവിനൊരുങ്ങുകയാണ് ജനപ്രിയ നായകൻ ദിലീപ്. ഒരു മാസ് കോമഡി എന്റർടെയ്നറാണ് 'ഭ.ഭ.ബ' എന്നാണ് ചിത്രത്തിന്റെ ടീസർ സൂചിപ്പിക്കുന്നത്. ഇന്നാണ് ചിത്രത്തിന്റെ ടീസർ പുറത്ത് വന്നത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ചിത്രത്തിൽ വിനീത് ശ്രീനിവാസൻ, ധ്യാൻ ശ്രീനിവാസൻ എന്നിവരും പ്രധാന വേഷങ്ങളിലെത്തുന്നു. നവാഗതനായ ധനഞ്ജയ് ശങ്കറാണ് ചിത്രം സംവിധാനം ചെയ്യുന്നത്.
ഭയം ഭക്തി ബഹുമാനം എന്നാണ് ചിത്രത്തിന്റെ പേരിന്റെ പൂർണ്ണ രൂപം. താരദമ്പതിമാരായ നൂറിൻ ഷെരീഫും ഫാഹിം സഫറും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. സിദ്ധാർത്ഥ് ഭരതൻ, ബൈജു സന്തോഷ് , ബാലു വർഗീസ്, അശോകൻ, ജി. സുരേഷ് കുമാർ, നോബി, സെന്തിൽ കൃഷ്ണാ, റെഡിൻ കിങ്‌സിലി, ഷിൻസ്, ശരണ്യ പൊൻ വണ്ണൻ, ധനശ്രീ, ലങ്കാ ലഷ്മി, കോറിയോഗ്രാഫർ സാൻഡി എന്നിവരടങ്ങുന്ന വലിയൊരു താരനിര തന്നെ ചിത്രത്തിലുണ്ട്.
കോയമ്പത്തൂർ, പാലക്കാട്, പൊള്ളാച്ചി ഭാഗങ്ങളിലായി ആണ് സിനിമ ചിത്രീകരിച്ചത്. റെക്കോർഡ് തുകയ്ക്കാണ് ഫാർസ് ഫിലിംസ് ചിത്രത്തിന്റെ ഓവർസീസ് വിതരണാവകാശം സ്വന്തമാക്കിയതെന്നാണ് റിപ്പോർട്ടുകൾ. ഒരു ദിലീപ് ചിത്രത്തിന് ലഭിക്കുന്ന ഏറ്റവും വലിയ ഓവർസീസ് വിതരണാവകാശ തുകയാണ് ഈ ചിത്രത്തിന് ലഭിച്ചിരിക്കുന്നത്. ഒട്ടേറെ സർപ്രൈസുകളും അപ്‌ഡേറ്റുകളും ഇനിയും ഈ ചിത്രത്തിന്റേതായി പുറത്തു വരുമെന്നും അണിയറ പ്രവർത്തകർ സൂചിപ്പിക്കുന്നു. അരുൺ മോഹൻ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിങ് രഞ്ജൻ ഏബ്രഹാമാണ്. സംഗീതം ഷാൻ റഹ്മാൻ.
കോ- പ്രൊഡ്യൂസേര്‍സ്-വി സി പ്രവീണ്‍, ബൈജു ഗോപാലൻ, എക്‌സിക്യൂട്ടീവ് പ്രൊഡ്യൂസര്‍ കൃഷ്ണമൂര്‍ത്തി. വരികൾ കൈതപ്രം, വിനായക് ശശികുമാർ, മനു മഞ്ജിത്ത്, കലാസംവിധാനം നിമേഷ് താനൂർ, വസ്ത്രാലങ്കാരം ധന്യ ബാലകൃഷ്ണൻ, വെങ്കി, മേക്കപ്പ് റോനെക്‌സ് സേവ്യർ, ആക്ഷൻ കലൈ കിങ്‌സൺ, നൃത്ത സംവിധാനം സാൻഡി, സൗണ്ട് ഡിസൈൻ സച്ചിൻ സുധാകരൻ,
പ്രൊഡക്ഷൻ കൺട്രോളർ സുരേഷ് മിത്രക്കരി, ഫിനാൻസ് കൺട്രോളർ ശ്രീജിത്ത് കുറ്റിയാനിക്കൽ, ചീഫ് അസ്സോസിയേറ്റ് ഡയറക്ടർ അനിൽ എബ്രഹാം, അസ്സോസിയേറ്റ് ഡിറക്ടർസ് ശ്യാം നരേഷ്, രോഹൻ സാബു, ഡിഐ കളർ പ്ലാനറ്റ് സ്റ്റുഡിയോസ്, വിഎഫ്എക്സ് ഐഡൻറ് വിഎഫ്എക്സ് ലാബ്, സ്റ്റിൽസ് സെറീൻ ബാബു, പബ്ലിസിറ്റി ഡിസൈൻ യെല്ലോ ടൂത്സ്‌, പിആർഒ വൈശാഖ് സി വടക്കേവീട്, ജിനു അനിൽകുമാർ.