ഷെയിൻ നിഗം നായകനാകുന്ന ക്രൈം ഇൻവെസ്റ്റിഗേഷൻ ത്രില്ലർ; 'ദൃഢം' സിനിമയുടെ ടൈറ്റിൽ വീഡിയോ പുറത്ത്; ആകാംഷയോടെ ആരാധകർ

കൊച്ചി: യുവതാരം ഷെയിൻ നിഗം നായകനായി എത്തുന്ന 'ദൃഢം' എന്ന ക്രൈം ഇൻവെസ്റ്റിഗേഷൻ ത്രില്ലർ ചിത്രത്തിന്റെ ടൈറ്റിൽ വീഡിയോ പുറത്തിറങ്ങി. ഈ ചിത്രത്തിൽ പോലീസ് വേഷത്തിലാണ് ഷെയിൻ നിഗം പ്രേക്ഷകർക്ക് മുന്നിലെത്തുന്നത്. എസ്.ഐ. വിജയ് രാധാകൃഷ്ണൻ എന്ന കഥാപാത്രത്തെയാണ് ഷെയിൻ അവതരിപ്പിക്കുന്നത്.

'കൊറോണ പേപ്പേഴ്സി'നും 'വേല'യ്ക്കും ശേഷം ഷെയിൻ നിഗം വീണ്ടും പോലീസ് യൂണിഫോമിൽ എത്തുന്നു എന്നത് ശ്രദ്ധേയമാണ്. '#ACopWithEverythingToProve' എന്ന ഹാഷ്ടാഗോടുകൂടി പുറത്തിറങ്ങിയ ടൈറ്റിൽ വീഡിയോ സമൂഹമാധ്യമങ്ങളിൽ തരംഗമായി മാറിയിട്ടുണ്ട്. പ്രേക്ഷകരിൽ വലിയ ആകാംഷ ജനിപ്പിക്കുന്ന തരത്തിലാണ് വീഡിയോ ഒരുക്കിയിരിക്കുന്നത്.

ഇ ഫോർ എക്സ്പെരിമെന്റ്സ്, ജീത്തു ജോസഫ് (ബെഡ് ടൈം സ്റ്റോറീസ്) എന്നിവർ ചേർന്നാണ് 'ദൃഢം' പ്രേക്ഷകരിലേക്ക് എത്തിക്കുന്നത്. മുകേഷ് ആർ. മെഹ്ത, സി.വി. സാരഥി എന്നിവരാണ് ചിത്രത്തിന്റെ നിർമ്മാതാക്കൾ. നവാഗതനായ മാർട്ടിൻ ജോസഫ് സംവിധാനം ചെയ്യുന്ന ഈ ചിത്രത്തിന്റെ കഥ, തിരക്കഥ, സംഭാഷണം എന്നിവ ഒരുക്കിയിരിക്കുന്നത് ജോമോൻ ജോൺ, ലിന്റോ ദേവസ്യ എന്നിവർ ചേർന്നാണ്.

ഷോബി തിലകൻ, കോട്ടയം രമേഷ്, ദിനേശ് പ്രഭാകർ, നന്ദൻ ഉണ്ണി, വിനോദ് ബോസ്, കൃഷ്ണപ്രഭ, സാനിയ ഫാത്തിമ, അഭിറാം രാധാകൃഷ്ണൻ, പ്രശാന്ത് മുരളി, മാത്യു വർഗീസ്, ജോജി കെ. ജോൺ, ബിട്ടോ ഡേവിസ്, അഭിഷേക് രവീന്ദ്രൻ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഛായാഗ്രഹണം പി.എം. ഉണ്ണികൃഷ്ണനും എഡിറ്റിംഗ് വിനായകുമാണ് നിർവഹിച്ചിരിക്കുന്നത്.

കറ്റീന ജീത്തുവാണ് എക്സിക്യൂട്ടീവ് പ്രൊഡ്യൂസർ. രാഹുൽ ജോസഫ്, സെത് എം ജേക്കബ് എന്നിവർ സൗണ്ട് ഡിസൈനിംഗും ജിതിൻ ജോസഫ് സൗണ്ട് മിക്സിംഗും നിർവഹിച്ചിരിക്കുന്നു. സുനിൽ ദാസ് പ്രൊഡക്ഷൻ ഡിസൈനറും മഹേഷ് മാത്യു ആക്ഷൻ ഡയറക്ടറുമാണ്. രതീഷ് വിജയൻ മേക്കപ്പും ലേഖ മോഹൻ കോസ്റ്റ്യൂം ഡിസൈനിംഗും നിർവഹിച്ചിരിക്കുന്നു. ദീപക് പരമേശ്വരനാണ് പ്രൊഡക്ഷൻ കൺട്രോളർ. ടോണി മാഗ്മിത്ത് വിഎഫ്എക്സ് ഡയറക്ടറും ലിജു പ്രഭാകർ ഡിഐ കളറിസ്റ്റുമാണ്. ടെൻ പോയിന്റ് പബ്ലിസിറ്റി ഡിസൈനും ആതിര ദിൽജിത്ത് പിആർഒയും ആണ്.