കോര്‍ക്ക്: ക്രിസ്മസ് രാവുകളേ വരവേല്‍കാനായി അയര്‍ലണ്ടിലെ കോര്‍ക്കില്‍ മെലോഡിയ 2024 നടത്തപ്പെടുന്നു! കഴിഞ്ഞ രണ്ടു വര്‍ഷങ്ങളായി കോര്‍ക്ക് ഹോളിട്രിനിറ്റി ഇന്ത്യന്‍ ഓര്‍ത്തഡോക്‌സ് സഭയുടെ ആഭിമുഖ്യത്തില്‍ നടത്തിവന്നിരുന്ന എക്യുമെനിക്കല്‍ കരോള്‍ സന്ധ്യ മെലോഡിയ ഈ പ്രാവശ്യവും വിപുലമായ പ്രോഗ്രാമുകളോട് കൂടി നവംബര്‍ 24 ഞായറാഴ്ച നടത്തപ്പെടുന്നു.
നവംബര്‍ 24 ഞായര്‍ ഉച്ചകഴിഞ്ഞ് 3.30PM മുതല്‍ കോര്‍ക്കിലെ ടോഗര്‍ ഫിന്‍ബാര്‍സ് ജി എ എ ക്ലബ്ബില്‍ വെച്ച് നടത്തപ്പെടുന്ന പരിപാടിയില്‍ അയര്‍ലണ്ടിലെ വിവിധ ദേവാലയങ്ങളില്‍ നിന്നും ഇതര സംഘടനകളില്‍ നിന്നുള്ള 12 ടീമുകള്‍ പങ്കെടുക്കുന്നു.
കഴിഞ്ഞ വര്‍ഷങ്ങളില്‍ ഈ പരിപാടി വളരെ വിജയകരമായി നടത്തി വന്നതുപോലെ ഈ വര്‍ഷവും ഏവരുടെയും സാന്നിധ്യ സഹകരണം പ്രതീക്ഷിച്ചുകൊള്ളുന്നു.