സോഹ്ന എലവേറ്റഡ് ഹൈവേയിൽ വാഹനാപകടം; ചീറി പാഞ്ഞെത്തിയ കാർ ഡിവൈഡറിൽ ഇടിച്ച് ഉയർന്നുപൊങ്ങി; രണ്ടു പേർ മരിച്ചു; ഞെട്ടിപ്പിക്കുന്ന വീഡിയോ പുറത്ത്

ഡൽഹി: ഗുരു​ഗ്രാമിലെ സോഹ്ന എലവേറ്റഡ് ഹൈവേയിൽ നടന്ന കാറപകടത്തിൽ രണ്ടു യുവാക്കൾ മരിച്ചു. ഇന്നലെ രാവിലെ നടന്ന അപകടത്തിന്റെ ഭയാനക വീഡിയോ നവമാധ്യമങ്ങളിൽ പ്രചരിച്ചു. മൂന്ന് വിദ്യാർത്ഥികൾ അമിത വേ​ഗത്തിൽ സഞ്ചരിച്ച കാറാണ് നിയന്ത്രണം നഷ്ടമായി ഡിവൈ‍ഡറിൽ ഇടിച്ച് തെറിച്ചത്.

12 അടി ഉയർന്നുപൊങ്ങിയ കാർ തുണിലിടിച്ച് മറുവശത്തെ റോഡിലേക്കാണ് വീണത്. പതിച്ചത് മറ്റൊരു കാറിലും ബൈക്കിലുമായിരുന്നു. മൂന്നുപേർക്ക് ​ഗുരുതരമായി പരിക്കേൽക്കുകയും ചെയ്തു.

അക്ഷിത്, ദക്ഷ് എന്നിവരാണ് മരിച്ചത്. കോളേജിലേക്ക് പോകുന്നതിനിടെയാണ് അപകടം ഉണ്ടായത്. ഒപ്പം സഞ്ചരിച്ചിരുന്ന ധ്രുവ് എന്ന വിദ്യാർത്ഥിക്ക് ​ഗുരുതരമായി പരിക്കേറ്റു.

അപകടത്തിന് പിന്നാലെ ഹൈവേയിൽ വൻ ​ഗതാ​ഗത കുരുക്ക് രൂപപ്പെട്ടു. പോലീസ് ക്രെയിനുമായെത്തിയാണ് തകർന്ന വാഹനം മാറ്റി ​ഗതാ​ഗതം സു​ഗമമാക്കിയത്. റോഡിലെ സിസിടിവി ദൃശ്യങ്ങളും പുറത്തുവന്നിട്ടുണ്ട്.