കുതിച്ചെത്തിയ കാർ ഡിവൈഡറിലിടിച്ച് കുത്തനെ മറിഞ്ഞു; തൊട്ടു പിന്നാലെ വന്ന ബസ് കാറിലേക്ക് ഇടിച്ചുകയറി വൻ അപകടം; കുഞ്ഞിന് ദാരുണാന്ത്യം; നടുക്കും കാഴ്ചകൾ കണ്ട് ഞെട്ടി നാട്ടുകാർ

ബെംഗളൂരു: കര്‍ണാടകയിലെ വാഹനാപകടത്തിൽ കുഞ്ഞിന് ദാരുണാന്ത്യം. മലയാളി ദമ്പതിമാരുടെ കുഞ്ഞാണ് അപകടത്തിൽ അതിദാരുണമായി മരിച്ചത്. കർണാടകയിലെ ചന്നപട്ടണയിലുണ്ടായ വാഹനാപകടത്തിലാണ് ഒരു വയസുള്ള കുഞ്ഞു മരിച്ചത്.

കണ്ണൂർ കൊളക്കാട് സ്വദേശി അതുൽ - അലീന ദമ്പതിമാരുടെ ഒരു വയസുള്ള കുഞ്ഞാണ് മരിച്ചത്. ഇവർ സഞ്ചരിച്ചിരുന്ന കാർ ഡിവൈഡറിൽ ഇടിച്ച് കുത്തനെ മറിയുകയായിരുന്നു.

തൊട്ട് പിന്നാലെ വന്ന ബസ് കാറിലേക്ക് ഇടിച്ചു കയറിയാണ് അപകടം ഉണ്ടായത്. ഇന്ന് പുലർച്ചെ നാലു മണിയോടെയാണ് അപകടം നടന്നത്.

അപകടത്തിൽ ഗുരുതരമായി പരിക്കേറ്റ അതുലിനെയും അലീനയയെയും ബെംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചു. കുഞ്ഞിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.