മുള്ളന്‍ പന്നി, ഉടുമ്പ് ഇറച്ചികള്‍ കഴിച്ചിട്ടുണ്ടെന്ന് നടി ഛായ കദം; കേസെടുത്ത് വനം വകുപ്പ്
മുള്ളന്‍ പന്നി, ഉടുമ്പ് ഇറച്ചികള്‍ കഴിച്ചിട്ടുണ്ടെന്ന് നടി ഛായ കദം; കേസെടുത്ത് വനം വകുപ്പ്
മുബൈ : ലാപതാ ലേഡീസിലൂടെ ശ്രദ്ധ നേടിയ നടി ഛായ കദത്തിനെതിരെ കേസെടുത്ത് വനം വകുപ്പ്. അടുത്തിടെ നല്‍കിയ അഭിമുഖത്തില്‍ താന്‍ മുള്ളന്‍ പന്നി, ഉടുമ്പ് എന്നീ മൃഗങ്ങളുടെ ഇറച്ചി കഴിച്ചിട്ടുണ്ടെന്ന് നടി പറഞ്ഞിരുന്നു. ഇതിന്റെ അടിസ്ഥാനത്തിലാണ് നടിക്കെതിരെ വനം വകുപ്പ് കേസ് രജിസ്റ്റര്‍ ചെയ്തത്. വന്യജീവികളുടെ മാംസം കഴിച്ചതായി ഛായ ഒരു റേഡിയോ ചാനലിന് നല്‍കിയ വീഡിയോ അഭിമുഖത്തിലാണ് പറഞ്ഞത്.
സംരക്ഷിത വന്യജീവി ഇനത്തില്‍പ്പെടുന്നവയാണ് മുള്ളന്‍പന്നി, ഉടുമ്പ് എന്നീ ജീവികള്‍. ഛായയെ ഉടന്‍ തന്നെ അന്വേഷണത്തിനായി വിളിപ്പിക്കുമെന്ന് ഡിവിഷണല്‍ ഫോറസ്റ്റ് ഓഫീസര്‍ റോഷന്‍ റാത്തോഡ് അറിയിച്ചു. മുംബൈ ആസ്ഥാനമായുള്ള എന്‍ജിഒയായ പ്ലാന്റ് ആന്‍ഡ് ആനിമല്‍ വെല്‍ഫെയര്‍ സൊസൈറ്റിയാണ് നടിക്കെതിരെ ചീഫ് കണ്‍സര്‍വേറ്റര്‍ ഓഫ് ഫോറസ്റ്റിനും ഡിവിഷണല്‍ ഫോറസ്റ്റ് ഓഫീസറിനും പരാതി നല്‍കിയത്. വേട്ടക്കാരുടെയും പങ്ക് അന്വേഷിക്കുന്നുണ്ട് എന്നാണ് ഫോറസ്റ്റ് അധികൃതര്‍ പറയുന്നത്.
നടി പറഞ്ഞത് ശരിയാണെങ്കില്‍ അത് 1972 ലെ വന്യജീവി സംരക്ഷണ നിയമത്തിലെ വിവിധ വകുപ്പുകള്‍ പ്രകാരമുള്ള കുറ്റകൃത്യമാണെന്നും അവര്‍ക്കും ഒപ്പം ഉണ്ടായിരുന്നവര്‍ക്കും എതിരെ നിയമനടപടി സ്വീകരിക്കണമെന്നും പ്ലാന്റ് ആന്‍ഡ് ആനിമല്‍ വെല്‍ഫെയര്‍ സൊസൈറ്റി ആവശ്യപ്പെട്ടു.