ലോറന്‍സ് ബിഷ്‌ണോയിയുടെ സഹോദരന്‍ അന്‍മോല്‍ യുഎസില്‍ അറസ്റ്റില്‍; പിടിയിലായത് ബാബാ സിദ്ദിഖി വധം അടക്കം നിരവധി കേസുകളിലെ പിടികിട്ടാപ്പുള്ളി
ലോറന്‍സ് ബിഷ്‌ണോയിയുടെ സഹോദരന്‍ അന്‍മോല്‍ യുഎസില്‍ അറസ്റ്റില്‍
By : സ്വന്തം ലേഖകൻ
Update: 2024-11-18 23:56 GMT
മുംബൈ: ഗുണ്ടാനേതാവ് ലോറന്‍സ് ബിഷ്‌ണോയിയുടെ സഹോദരനും പിടികിട്ടാപ്പുള്ളിയുമായ അന്‍മോല്‍ ബിഷ്‌ണോയി അറസ്റ്റില്‍. അന്‍മോലിനെ യുഎസില്‍ നിന്ന് അറസ്റ്റ് ചെയ്തതായി മുംബൈ പൊലീസ് അറിയിച്ചു. മുന്‍ മന്ത്രി ബാബാ സിദ്ദിഖിയെ വെടിവച്ചുകൊന്നത് അന്‍മോല്‍ ക്വട്ടേഷന്‍ നല്‍കിയവരാണെന്ന നിഗമനത്തിലാണ് പൊലീസ്. നടന്‍ സല്‍മാന്‍ ഖാന്റെ വീടിനു നേരെ വെടിവച്ചതിന്റെ ഉത്തരവാദിത്തവും ഏറ്റെടുത്തിരുന്നു.
കൊലപാതകം ഉള്‍പ്പെടെ ഒട്ടേറെ കേസുകളില്‍ പിടികിട്ടാപ്പുള്ളിയായ അന്‍മോലിനെ കുറിച്ച് വിവരം നല്‍കുന്നവര്‍ക്ക് 10 ലക്ഷം രൂപ പ്രതിഫലം പൊലീസ് പ്രഖ്യാപിച്ചിരുന്നു. ഇയാളെ യുഎസില്‍ നിന്ന് വിട്ടുകിട്ടാന്‍ ശ്രമം പുരോഗമിക്കുന്നതിനിടെയാണ് അറസ്റ്റ് ഉണ്ടായത്.