ചോരയില്‍ കുളിച്ചുകിടക്കുന്ന നിലയിൽ മൃതദേഹം; കാഴ്ചയില്‍ നാല്‍പ്പതു വയസ് തോന്നിക്കും; പോലീസ് അന്വേഷണത്തിൽ ഞെട്ടൽ; കൃത്യം നടത്തിയത് പ്രായപൂര്‍ത്തിയാകാത്ത പ്രതി; പ്രകോപനം ഇക്കാരണത്താൽ!
ഡൽഹി: ഡൽഹിയിലെ തൃലോക്പുരിയില്‍ അ‍ജ്ഞാത മൃതദേഹം കണ്ടെത്തിയതിൽ ദുരൂഹത. തൃലോക്പുരിയില്‍ ഒരു വീടിനടുത്താണ് മൃതശരീരം കണ്ടെത്തിയത്. വിവരം ലഭിച്ചതിനെ തുടര്‍ന്ന് പോലീസ് സ്ഥലത്തെത്തി പരിശോധന നടത്തുകയായിരുന്നു. കൊല്ലപ്പെട്ടയാള്‍ ചോരയില്‍ കുളിച്ചുകിടക്കുകയായിരുന്നു എന്നാണ് റിപ്പോര്‍ട്ട്.
കത്തികൊണ്ട് നിരവധി തവണകുത്തിയതിന്‍റെ പാടുകള്‍ ശരീരത്തിൽ ഉണ്ടായിരിന്നു. കൊല്ലപ്പെട്ടതാരാണെന്ന് ഇതുവരെ തിരിച്ചറിഞ്ഞിട്ടില്ല. കാഴ്ചയില്‍ നാല്‍പ്പതു വയസ്സ് പ്രായം തോന്നിക്കുമെന്നാണ് പോലീസ് റിപ്പോർട്ട്.
നാട്ടുകാരെ ചോദ്യം ചെയ്യുകയും സിസിടിവി ദൃശ്യങ്ങള്‍ പരിശോധിക്കുകയും ചെയ്തു. തുടര്‍ന്ന് പ്രതിയെ പോലീസ് അറസ്റ്റ് ചെയ്തു. ഇയാള്‍ക്ക് പ്രായപൂര്‍ത്തിയായിട്ടില്ല. പെട്ടന്നുണ്ടായ പ്രകോപനമായിരിക്കാം ആക്രമണത്തിലേക്കും തുടര്‍ന്ന് കൊലപാതകത്തിലേക്കും നയിച്ചതെന്നാണ് പൊലീസിന്‍റെ പ്രാഥമിക നിഗമനം.
കൊലപാതകം നടത്താന്‍ ഉപയോഗിച്ച കത്തി പ്രതിയില്‍ നിന്ന് പോലീസ് കണ്ടെടുത്തിട്ടുണ്ട്. മരിച്ചയാളെകുറിച്ചുള്ള കൂടുതൽ വിവരങ്ങള്‍ ശേഖരിക്കാനുള്ള അന്വേഷണവും നടക്കുന്നുണ്ടെന്ന് പോലീസ് വ്യക്തമാക്കി.