സ്‌കൂട്ടര്‍ തട്ടിയതിന് ചിരിച്ചുകൊണ്ട് സോറി പറഞ്ഞ് യുവതി; പിന്തുര്‍ന്നെത്തി തടഞ്ഞുനിര്‍ത്തി ചുംബിച്ച് യുവാവ്; വിചിത്രമായ വിശദീകരണം; അറസ്റ്റ്
സ്‌കൂട്ടറില്‍ പിന്തുടര്‍ന്നെത്തി യുവതിയെ ചുംബിച്ചു, യുവാവ് അറസ്റ്റില്‍
കോയമ്പത്തൂര്‍: കോയമ്പത്തൂരില്‍ അപരിചിതയായ വിദ്യാര്‍ത്ഥിനിയെ വഴിയില്‍ തടഞ്ഞുനിര്‍ത്തി ചുംബിച്ച യുവാവ് അറസ്റ്റില്‍. കോയമ്പത്തൂര്‍ പുത്തൂര്‍ സ്വദേശി മുഹമ്മദ് ഷരീഫ് (32) ആണ് അറസ്റ്റിലായത്. സ്‌കൂട്ടറില്‍ യാത്ര ചെയ്യുകയായിരുന്ന ഇരുപതുകാരിയെ ആണ് ഒരു പരിചയവും ഇല്ലാത്ത ഷെരീഫ് തടഞ്ഞുനിര്‍ത്തി ചുംബിച്ചത്. വഴിയിലെ കുഴി ഒഴിവാക്കാന്‍ ശ്രമിച്ചപ്പോള്‍ പെണ്‍കുട്ടിയുടെ സ്‌കൂട്ടര്‍ ഷെരീഫിന്റെ സ്‌കൂട്ടറിന്റെ വശത്ത് ചെറുതായി ഇടിച്ചു.
സ്‌കൂട്ടര്‍ നിര്‍ത്തിയ പെണ്‍കുട്ടി ചിരിച്ചുകൊണ്ട് ഷെറീഫിനോട് മാപ്പ് പറഞ്ഞ് മുന്നോട്ടുപോയി. പിന്തുടര്‍ന്ന യുവാവ് പെണ്‍കുട്ടിയെ തടഞ്ഞുനിര്‍ത്തി കഴുത്തിലും കയ്യിലും ചുംബിക്കുകയായിരുന്നു. ഭയന്ന പെണ്‍കുട്ടി യുവാവിനെ തള്ളി മാറ്റിയതിന് ശേഷം സ്‌കൂട്ടറില്‍ കയറി രക്ഷപ്പെട്ടു. പിന്നാലെ പൊലീസ് സ്റ്റേഷനില്‍ പരാതി നല്‍കുകയായിരുന്നു. പെണ്‍കുട്ടി ചിരിച്ചത് കൊണ്ട് ചുംബിച്ചെന്നാണ് യുവാവിന്റെ വിചിത്ര വിശദീകരണം. ഇയാള്‍ക്ക് ഭാര്യയും മകനും ഉണ്ടെന്ന് കോയമ്പത്തൂര്‍ പൊലീസ് അറിയിച്ചു.