എന്താടാ...നിനക്ക് കൂടുതൽ കളിക്കല്ലേ മോനെ; ചേട്ടാ..ക്ഷമിക്കൂ; റോഡിലൂടെ അശ്രദ്ധമായി ഓടിച്ച് സ്കോര്‍പ്പിയോക്കാരൻ; ചോദ്യം ചെയ്ത ബൈക്ക് റൈഡര്‍മാർക്ക് സംഭവിച്ചത്; ദൃശ്യങ്ങൾ പുറത്ത്
ഡൽഹി: ബൈക്ക് റൈഡർ സംഘത്തെ ആക്രമിച്ച ബോഡി ബിൽഡര്‍മാരായ യുവാക്കൾക്കെതിരെ കേസെടുത്ത് പോലീസ്. ഡൽഹിയിലെ ഗുരുഗ്രാമിലാണ് സംഭവം നടന്നത്. ചേട്ടാ എന്നോട് ക്ഷമിക്കൂ.. എന്ന് കൈ കൂപ്പിക്കൊണ്ട് ബൈക്കര്‍ അപേക്ഷിച്ചിട്ടും ഒട്ടും ദയ കാണിക്കാതെ ആക്രമണം നടത്തുന്നതാണ് ദൃശ്യങ്ങളിൽ ഉള്ളത്.
കൈത്തണ്ടയിൽ പച്ചകുത്തിയ ബോഡി ബിൽഡര്‍ ബൈക്ക് യാത്രികന്റെ നെഞ്ചിൽ ഇടിക്കുന്നതും ബൈക്കിന്റെ കീ ഊരിമാറ്റുകയും ചെയ്യുന്നു. ഇതിനിടയിൽ അപേക്ഷിക്കുന്ന ബൈക്കറുടെ ഹെൽമെറ്റിൽ പിടിച്ച് വലിക്കുന്നതും മര്‍ദ്ദിക്കുന്നതും ദൃശ്യങ്ങളിൽ ഉണ്ട്.
ഒരു മാളിൽ നിന്ന് ഭക്ഷണം കഴിക്കാനായി പോവുകയായിരുന്ന ഒരു സംഘം ബൈക്ക് യാത്രികര്‍ക്കായിരുന്നു ദുരനുഭവം ഉണ്ടായത്. എക്പ്രസ് വേയിൽ സ്കോര്‍പിയോ അശ്രദ്ധമായി ഓടിച്ചതിനെ തുടര്‍ന്നായിരുന്നു ബൈക്ക് റൈഡര്‍മാര്‍ ഇത് ചോദ്യം ചെയ്തത്. തുടര്‍ന്ന് തര്‍ക്കം അക്രമത്തിലേക്ക് നീങ്ങുകയായിരുന്നുവെന്ന് ഗുരുർഗാം പോലീസ് വ്യക്തമാക്കി.
വീഡിയോയിലുള്ള പ്രതികളെ തിരിച്ചറിഞ്ഞതായും ഇവരെ ഉടൻ അറസ്റ്റ് ചെയ്യുമെന്നും പോലീസ് പറയുന്നു. ബൈക്കര്‍ക്ക് നേരെ ആക്രമണം നടത്തിയവര്‍ ബൈക്കിന്റെ ഹെഡ്ലൈറ്റ് തകര്‍ക്കുന്നതിന്റെയും ബേസ്ബോൾ ബാറ്റ് ഉപയോഗിച്ച് ആക്രമിക്കുന്നതിന്റെയും ദൃശ്യങ്ങളും പിന്നീട് പുറത്തുവന്നു.