'എന്‍റെ ഫോൺ തിരികെ താ...അല്ലേൽ ചെരിപ്പ് ഊരി അടിക്കും ഞാൻ..'; അധ്യാപിക ഫോൺ പിടിച്ചുവാങ്ങിയതോടെ വിദ്യാർത്ഥിനിക്ക് കലി കയറി; നിലവിളി കേട്ട് ഓടിയെത്തവർ കണ്ടത്!
വിജയനഗരം: കോളേജ് വിദ്യാർത്ഥിനി അധ്യാപികയെ ചെരിപ്പുകൊണ്ട് അടിക്കുന്ന വീഡിയോ പുറത്ത്. ആന്ധ്രായിലാണ് സംഭവം നടന്നത്. എഞ്ചിനീയറിംഗ് കോളേജിലാണ് നാടകീയ സംഭവങ്ങൾ അരങേറിയത്. മൊബൈൽ ഫോൺ പിടിച്ചുവാങ്ങിയതോടെയാണ് വിദ്യാർത്ഥിനി പ്രകോപിതയായത്. വിദ്യാർത്ഥിനി അധ്യാപികയുമായി തർക്കിക്കുന്നത് വൈറലായ വീഡിയോയിൽ കാണാം.
തുടർന്ന് രോഷാകുലയായ വിദ്യാർത്ഥിനി ചെരിപ്പുകൾ ഊരിമാറ്റി "എന്‍റെ ഫോൺ തിരികെ തരുമോ അതോ ചെരിപ്പ് കൊണ്ട് അടിക്കണോ?" എന്ന് അധ്യാപികയോട് ആക്രോശിച്ചു. ഫോണ്‍ തിരികെ ലഭിക്കാതിരുന്നതോടെ ചെരിപ്പൂരി അടിക്കുകയും ചെയ്തു. ഇതോടെ ഇരുവരും തമ്മിൽ കയ്യാങ്കളിയായി. വൈകാതെ സമീപത്തുണ്ടായിരുന്നവർ ഇരുവരെയും പിടിച്ചുമാറ്റി.
വീഡിയോയ്ക്ക് താഴെ വ്യത്യസ്തമായ പ്രതികരണങ്ങൾ കാണാം- "ഇന്നത്തെ കുട്ടികൾ അധ്യാപകർക്ക് നൽകുന്ന ബഹുമാനമാണിത്. പിഴവ് കുട്ടികളുടേത് മാത്രമല്ല, മറിച്ച് മാതാപിതാക്കളുടേതും അധ്യാപകരുടേതും കൂടിയാണ്. ലക്ഷങ്ങൾ ഫീസ് വാങ്ങുന്ന അധ്യാപകർ ബഹുമാനം പ്രതീക്ഷിക്കുന്നത് ശരിയാണോ?" എന്നാണ് ഒരാൾ കമന്‍റ് ചെയ്തിരിക്കുന്നത്.