നഴ്‌സിനെ ആശുപത്രിക്കുള്ളില്‍ കഴുത്തറുത്ത് കൊലപ്പെടുത്തി; പ്രതിക്കായി തിരിച്ചില്‍ ആരംഭിച്ച് പോലീസ്; കൊലപാതകത്തിന് പിന്നില്‍ പെണ്‍കുട്ടിയുമായി അടുപ്പം ഉള്ളയാളെന്ന് സംശയം; ആശുപത്രിയിലെ സിസിടിവി ദൃശ്യങ്ങളും പരിശോധിക്കുന്നു
നര്‍സിംഗ്പുര്‍ (മധ്യപ്രദേശ്): ജില്ലാ സര്‍ക്കാര്‍ ആശുപത്രിയിലുണ്ടായ ഭീകര സംഭവത്തില്‍ ട്രെയിനി നഴ്സ് സന്ധ്യ ചൗധരി (23) കൊല്ലപ്പെട്ടു. വെള്ളിയാഴ്ച വൈകിട്ട് മൂന്നു മണിയോടെ ആശുപത്രിയിലേക്കു കയറിയ അജ്ഞാതന്‍ സന്ധ്യയുടെ കഴുത്തറുത്ത് കൊലപ്പെടുത്തിയ ശേഷം ഓടി രക്ഷപ്പെട്ടു. സംഭവസമയത്ത് ആശുപത്രിയില്‍ കാത്തിരുന്ന നിരവധി പേരാണ് കത്തി കൊണ്ടുള്ള ആക്രമണം നേരില്‍ കണ്ടത്. ആശുപത്രിയിലെ നിലവിളി കേട്ട് ഉടനടി ഓടിയെത്തിയതായും സന്ധ്യയ്ക്ക് പ്രഥമാശുപത്രിയൊരുക്കിയതായും സിവില്‍ സര്‍ജന്‍ ഡോ. ജി.സി. ചൗരസ്യ മാധ്യമങ്ങളോട് പറഞ്ഞു.
കൊലപാതകത്തിനു പിന്നില്‍ സന്ധ്യയുമായി അടുപ്പം ഉള്ളയാള്‍ ഉണ്ടാകാമെന്ന് പൊലീസ് സംശയിക്കുന്നു. ഇയാള്‍ക്കായി സ്ഥലത്തും സമീപപ്രദേശങ്ങളിലും വന്‍തോതില്‍ തെരച്ചില്‍ ആരംഭിച്ചിട്ടുണ്ടെന്ന് കോട്വാലി പൊലീസ് സ്റ്റേഷന്‍ ഇന്‍ചാര്‍ജ് ഗൗരവ് ഘാട്ടെ അറിയിച്ചു. ആശുപത്രിയിലെ സിസിടിവി ദൃശ്യങ്ങള്‍ പരിശോധിച്ചുവരികയാണെന്നും പ്രതിയെ ഉടന്‍ പിടികൂടുമെന്നുമാണ് അധികൃതരുടെ വിലയിരുത്തല്‍. സംഭവം ആശുപത്രി സുരക്ഷയില്‍ ഗുരുതരമായ ചോദ്യങ്ങള്‍ ഉയര്‍ത്തിയിരിക്കുകയാണ്. ഉറപ്പ് വരുത്തല്‍ നടപടികള്‍ ഉടന്‍ സ്വീകരിക്കുമെന്ന് ആശുപത്രി അധികൃതര്‍ അറിയിച്ചു.