ചെറായി പാലത്തിന് മുകളിൽ നിന്നും പുഴയിലേക്ക് ചാടിയത് ഇന്നലെ; പെൺകുട്ടിയുടെ മൃതദേഹം കണ്ടെത്തി; ജീവനൊടുക്കാൻ കാരണം ആൺസുഹൃത്തുമായുള്ള തർക്കം

കൊച്ചി: ഇന്നലെ എറണാകുളം വടക്കൻ പറവൂർ ചെറായി പാലത്തിന് മുകളിൽ നിന്നും പുഴയിലേക്ക് ചാടിയ പെൺകുട്ടിയുടെ മൃതദേഹം കണ്ടെത്തി. 18 കാരി പാലത്തിൽ നിന്നും എടുത്ത് പുഴയിലേക്ക് ചാടിയത്. ഇന്നലെ പോലീസും ഫയർഫോഴ്സും സ്കൂബ ടീമും നടത്തിയ തിരച്ചിലിൽ കണ്ടെത്താൻ കഴിഞ്ഞിരുന്നില്ല.

ചാടിയ സ്ഥലത്തിൽ നിന്നും 300 മീറ്റർ അകലെ മൃതദേഹം കണ്ടെത്തുകയായിരുന്നു. തൃശ്ശൂർ സ്വദേശിയാണെങ്കിലും ഏറെ നാളായി എറണാകുളത്തായിരുന്നു പെണ്‍കുട്ടിയുടെ താമസം. ആൺസുഹൃത്തുമായുള്ള തർക്കമാണ് ജീവനൊടുക്കാൻ കാരണമെന്നാണ് സൂചനകൾ.

ഇന്നലെ രാവിലെയാണ് പെൺകുട്ടി പുഴയിലേക്ക് ചാടിയത്. നാട്ടുകാരിൽ ചിലർ പെൺകുട്ടിയെ കണ്ടെങ്കിലും രക്ഷിക്കാനായില്ല. രാവിലെ മുതൽ ഫയർ ഫോഴ്സും പോലീസുമൊക്കെ നാട്ടുകാരുടെ സഹായത്തോടെ തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞിരുന്നില്ല.