ആലപ്പുഴയിൽ വിനോദ സഞ്ചാരികൾ ഉണ്ടായിരുന്ന ഹൗസ് ബോട്ടിന് തീപിടിച്ചു; ബോട്ട് പൂർണമായി കത്തിനശിച്ചു; കരയോട് ചേർന്ന് കെട്ടിയിട്ടിരുന്നതിനാൽ ഒഴിവായത് വൻ ദുരന്തം

ആലപ്പുഴ: ആലപ്പുഴ പള്ളാത്തുരുത്തിയിൽ ഹൗസ് ബോട്ടിനുണ്ടായ തീപിടിത്തിൽ ഞെട്ടലോടെ വിനോദ സഞ്ചാരികൾ. 'ലേക്ക് ഹോം' എന്ന ഹൗസ് ബോട്ടിനാണ് തീ പിടിച്ചത്. അപകടം നടക്കുമ്പോൾ ആറ് ഉത്തരേന്ത്യൻ ടൂറിസ്റ്റുകളാണ് ബോട്ടിൽ ഉണ്ടായിരുന്നത്. തീപിടിത്തത്തിൽ സംഭവത്തിൽ ബോട്ട് പൂർണമായി കത്തിനശിച്ചു.

ബോട്ടിന് തീപിടിച്ചെങ്കിലും ബോട്ടിലുണ്ടായിരുന്നവരെ സുരക്ഷിതമായി മാറ്റി. സംഭവത്തിൽ ആർക്കും പരിക്കുകളില്ല. ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണണമെന്നാണ് പ്രാഥമിക നിഗമനം. ഹൗസ് ബോട്ട് കരയോട് ചേർന്ന് കെട്ടിയിട്ടിരുന്നപ്പോഴാണ് തീപിടിത്തമുണ്ടായത്.

ഇതിനാൽ പുക ഉയര്‍ന്നപ്പോള്‍ തന്നെ ബോട്ടിലുണ്ടായിരുന്നവരെ പെട്ടന്ന് തന്നെ പുറത്തെത്തിക്കാനായതിനാൽ വൻ അപകടമാണ് ഒഴിവായത്. വിവരമറിഞ്ഞ് ഫയർഫോഴ്‌സ്‌ സംഭവസ്ഥലത്തെത്തി. തുടർന്ന് നാട്ടുകാരും ഫയര്‍ഫോഴ്സും ചേര്‍ന്ന് തീയണച്ചു.