ജെസിബി റിവേഴ്‌സ് എടുക്കുന്നതിനിടെ അപകടം; അടിയിൽപ്പെട്ട് ബൈക്ക് യാത്രക്കാരന് ദാരുണാന്ത്യം; സംഭവം ഉയരപ്പാത നിര്‍മാണ മേഖലയിൽ; മരിച്ചത് തുറവൂർ സ്വദേശി പ്രവീൺ
By : സ്വന്തം ലേഖകൻ
Update: 2025-02-19 06:17 GMT
ആലപ്പുഴ: ജെസിബിയ്ക്ക് അടിയിൽപ്പെട്ട് ബൈക്ക് യാത്രക്കാരന് ദാരുണാന്ത്യം. ആലപ്പുഴ അരൂര്‍-തുറവൂര്‍ ഭാഗത്താണ് ദാരുണ അപകടം നടന്നത്. ഉയരപ്പാത നിര്‍മാണ മേഖലയിലാണ് സംഭവം നടന്നത് . തുറവൂർ സ്വദേശി പ്രവീൺ ആർ (39) ആണ് മരിച്ചത്. ചന്തിരൂർ സെന്‍റ് മേരീസ് പള്ളിക്ക് സമീപമാണ് അപകടം നടന്നത്.
ഉയരപാത നിര്‍മാണം നടക്കുന്ന ഭാഗത്ത് വെച്ച് ജെ സി ബി പിന്നോട്ട് എടുത്തപ്പോൾ പിന്നിൽ ഉണ്ടായിരുന്ന യുവാവ് ജെസിബിയുടെ അടിയിൽപെടുകയായിരുന്നു. ജെസിബി പിന്നോട്ട് എടുത്തതോടെ യുവാവ് ബൈക്കിൽ നിന്ന് വീഴുകയായിരിന്നു. ഇതോടെ ജെസിബിക്ക് അടിയിൽപെടുകയായിരുന്നു. ഉടനെ തന്നെ യുവാവിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. സംഭവ സ്ഥലത്ത് പോലീസെത്തി മേൽനടപടികൾ സ്വീകരിച്ചു.