സ്കൂട്ടർ യാത്രികനെ ഇടിച്ചുതെറിപ്പിച്ച് ടിപ്പർ ലോറി; യാത്രക്കാരന് ഗുരുതര പരിക്ക്; സംഭവം കോഴിക്കോട് താമരശ്ശേരിയിൽ

കോഴിക്കോട്: സ്കൂട്ടർ യാത്രികനെ ടിപ്പർ ലോറി ഇടിച്ചു തെറിപ്പിച്ചു. കോഴിക്കോട് താമരശ്ശേരിയിലാണ് സംഭവം നടന്നത്. ഇടിയുടെ ആഘാതത്തിൽ ബൈക്ക് യാത്രികൻ ലോറിയുടെ അടിയിൽപ്പെട്ടു.

ദേശീയ പാതയിൽ താമരശ്ശേരിക്ക് സമീപം ഓടക്കുന്ന് വെച്ചായിരുന്നു അപകടം നടന്നത്. റോഡിൽ നിന്നും അപകടകരമായി പെട്രോൾ പമ്പിലേക്ക് തിരിഞ്ഞ് വന്ന ടിപ്പർ അതേ ദിശയിൽ വന്ന സ്കൂട്ടർ യന്ത്രികനെ ഇടിക്കുകയായിരുന്നു.

പരിക്കേറ്റ ആളെ മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്. സംഭവസ്ഥലത്ത് പോലീസെത്തി തുടർ നടപടികൾ സ്വീകരിച്ചു.