പാഞ്ഞെത്തിയ ആംബുലൻസ് ബൈക്ക് യാത്രികനെ ഇടിച്ച് തെറിപ്പിച്ചു; ഗുരുതര പരിക്ക്; സംഭവം പാറശാലയിൽ

തിരുവനന്തപുരം: പാറശാല പരശുവയ്ക്കലിൽ അപകടത്തിൽ യുവാവിന് ഗുരുതരമായി പരിക്കേറ്റു. ആംബുലൻസ് ഇടിച്ച് ബൈക്ക് യാത്രികനാണ് പരിക്ക് പറ്റിയത്. ബൈക്ക് റോഡ് മുറിച്ചുകടക്കാൻ ശ്രമിക്കവേ എതിർ ദിശയിൽ നിന്ന് ആംബുലൻസ് വന്ന് ഇടിക്കുകയായിരുന്നു. ബൈക്ക് യാത്രികൻ അപകടനില തരണം ചെയ്തു.

എങ്കിലും സ്ഥിരം അപകടമേഖലയായി ഇവിടം മാറിയെന്നാണ് ഈ സംഭവം ഇപ്പോൾ തെളിയിക്കുന്നത്. ഒരു മാസത്തിനിടെ പരശുവയ്ക്കലിൽ നടന്ന 12ാമത്തെ അപകടമാണ് ഇത്. കാൽനടയാത്രക്കാരിയായ വയോധിക കഴിഞ്ഞ ആഴ്ച ഇവിടെ അപകടത്തിൽ ഇവിടെ മരിച്ചിരുന്നു.