രഹസ്യ വിവരത്തിന്‍റെ അടിസ്ഥാനത്തില്‍ പരിശോധന; കൊല്ലത്ത് ഹൈബ്രിഡ് കഞ്ചാവും എംഡിഎംഎയുമായി യുവാവ് അറസ്റ്റിൽ

കൊല്ലം: കൊല്ലം കൊട്ടിയത്ത് ഹൈബ്രിഡ് കഞ്ചാവും എംഡിഎംഎയുമായി യുവാവ് അറസ്റ്റിൽ. ഉമയനല്ലൂർ സ്വദേശി സയിദ് അലിയാണ് പിടിയിലായത്. കൊട്ടിയം പൊലീസും ഡാൻസാഫും ചേർന്നാണ് പ്രതിയുടെ വീട്ടിൽ നിന്ന് കസ്റ്റഡിയിൽ എടുത്തത്.

9 ഗ്രാം ഹൈബ്രിഡ് കഞ്ചാവും 0.8 ഗ്രാം എംഡിഎംഎയും ഇയാളിൽ നിന്നും പിടിച്ചെടുത്തു. പ്രതി ലഹരിമരുന്ന് കച്ചവടം നടത്തുന്നുണ്ടെന്ന് പോലീസിന് രഹസ്യ വിവരം ലഭിച്ചിരുന്നു. ഇതിൻ്റെ അടിസ്ഥാനത്തിലായിരുന്നു പരിശോധന. ഇയാൾ നേരത്തെയും ലഹരി കേസിൽ പ്രതിയായിട്ടുണ്ടെന്ന് പൊലീസ് കൂട്ടിച്ചേർത്തു.