സ്വകാര്യ ബസിൽ കഞ്ചാവ് കടത്താൻ ശ്രമം; രണ്ടുപേർ പിടിയിൽ; കൈയ്യോടെ പൊക്കി എക്സൈസ്; 1.250 കിലോ വരെ പിടിച്ചെടുത്തു

നെടുങ്കണ്ടം: നെടുങ്കണ്ടം, പാറത്തോട് മേഖലകളിലെ മൊത്ത, ചില്ലറ കഞ്ചാവ് വിൽപ്പനക്കാരായ രണ്ടുപേരെ 1.250 കിലോ കഞ്ചാവുമായി ഇടുക്കി എക്സൈസ് സ്പെഷ്യൽ സ്ക്വാഡ് പിടികൂടി. സ്വകാര്യ ബസിൽ കടത്തുകയായിരുന്ന ഇവരെ മുണ്ടിയെരുമയിൽ നടന്ന വാഹന പരിശോധനക്കിടെയാണ് അറസ്റ്റ് ചെയ്തത്.

പാറത്തോട് വില്ലേജിൽപ്പെട്ട ചിങ്കാരികണ്ടം കടോട്ടിപ്പറമ്പിൽ വീട്ടിൽ തുക്കേത് (39), പുല്ലുമേട് ക ให้ ടോക്ക് ബാലാജി ഹൗസിൽ കുമാർ (35) എന്നിവരാണ് പിടിയിലായത്. ഓണം സ്പെഷ്യൽ ഡ്രൈവിൻ്റെ ഭാഗമായി നടത്തിയ പരിശോധനയിലാണ് കട്ടപ്പനയിൽ നിന്ന് വന്ന സ്വകാര്യ ബസിൽ നിന്ന് ഇവരെ പിടികൂടിയത്. ഇവരുടെ ബാഗിൽ സൂക്ഷിച്ച നിലയിലായിരുന്നു കഞ്ചാവ്.

നാളുനാളുകളായി ഇവർ നെടുങ്കണ്ടം, പാറത്തോട് മേഖലകളിൽ കഞ്ചാവ് മൊത്ത, ചില്ലറ വിൽപ്പന നടത്തി വരികയായിരുന്നു. എക്സൈസ് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ ടി. രഞ്ജിത്ത് കുമാറിൻ്റെ നേതൃത്വത്തിലുള്ള സംഘമാണ് ഇവരെ പിടികൂടിയത്. ഷാജി ജയിംസ്, കെ.ജെ. ബിനോയ്, കെ.എൻ. സിജുമോൻ, പി.എം. ജലീൽ, ആൽബിൻ ജോസ്, എബിൻ ജോസഫ്, പി.കെ. ശശി എന്നിവരും സംഘത്തിലുണ്ടായിരുന്നു. പ്രതികളെ റിമാൻഡ് ചെയ്തു.