ഡോളര്‍ തട്ടിപ്പ് കേസിലെ പ്രതി പിടിയിൽ; വലയിൽ കുടുങ്ങിയത് ഒളിവിൽ കഴിയുന്നതിനിടെ; രഹസ്യ വിവരത്തിന്റെ അടിസ്ഥാനത്തിൽ കൈയ്യോടെ പൊക്കി പോലീസ്

മലപ്പുറം: കുറഞ്ഞ വിലയ്ക്ക് ഡോളർ നൽകാമെന്ന് വാഗ്ദാനം ചെയ്ത് യുവാവിൽ നിന്ന് അഞ്ച് ലക്ഷം രൂപ തട്ടിച്ച കേസിൽ ഒളിവിലായിരുന്ന പ്രതി പിടിയിൽ. കോഴിക്കോട് പേരാമ്പ്ര സ്വദേശി ജുനൈദിനെയാണ് (28) തമിഴ്നാട് അതിർത്തിയിൽ വെച്ച് കോട്ടയ്ക്കൽ പോലീസ് പിടികൂടിയത്.

ഇടുക്കിയിലെ ഒളിത്താവളത്തിൽ പോലീസ് എത്തിയപ്പോൾ പ്രതി തമിഴ്‌നാട് ഭാഗത്തേക്കുള്ള കാട്ടിലേക്ക് ഓടി രക്ഷപ്പെടാൻ ശ്രമിച്ചു. നെടുങ്കണ്ടം പോലീസിന്റെ സഹായത്തോടെ നടത്തിയ തിരച്ചിലിലാണ് പ്രതി പിടിയിലായത്. ഇയാൾക്കെതിരെ കളവ്, കൊലപാതക ശ്രമം ഉൾപ്പെടെ മറ്റ് കേസുകളുമുണ്ടെന്ന് പോലീസ് അറിയിച്ചു. കേസിൽ നേരത്തെ മുഖ്യസൂത്രധാരൻ അറസ്റ്റിലായിരുന്നു.