മദ്യപിച്ച് ബോധമില്ലാതെ അയൽക്കാർ തമ്മിൽ വാക്കേറ്റവും അടിയും; വീട്ടിൽ കയറി ആക്രമണം; തലയിൽ കരിങ്കല്ലുകൊണ്ടടിച്ച് ക്രൂരത; ഗുരുതര പരിക്ക്; പ്രതിയെ പൊക്കി പോലീസ്

തിരുവനന്തപുരം: അയൽക്കാരന്റെ വീട്ടിൽ അതിക്രമിച്ച് കയറി ഗൃഹനാഥന്റെ തലയിൽ കരിങ്കല്ലുകൊണ്ടടിച്ച പ്രതി അറസ്റ്റിൽ. ഉഴമലയ്ക്കൽ വാലൂക്കോണം സ്വദേശി വേണു (59)വിനെയാണ് പോലീസ് പിടികൂടിയത്. വേണുവിന്‍റെ അയല്‍വാസിയായ കരുണാകരനാണ് സംഭവത്തില്‍ പരിക്ക് പറ്റിയത്.

രാത്രി മദ്യപിച്ച് എത്തിയ വേണു കരുണാകരനെ വീട്ടിൽ കയറി ആക്രമണം അഴിച്ചുവിടുകയായിരുന്നു. കരിങ്കല്ല് കൊണ്ട് തലയ്ക്കടിച്ചതോടെ ഗുരുതരമായി പരിക്കേറ്റ കരുണാകരൻ ആര്യനാട് ആശുപത്രിയിൽ ചികിത്സതേടി.

അധിക്ഷേപം ചൂണ്ടിക്കാട്ടി വേണുവിനെതിരെ പോലീസിൽ പരാതി കൊടുത്തതിലുള്ള വിരോധമാണ് ആക്രമണത്തിന് കാരണമെന്ന് പോലീസ് വ്യക്തമാക്കി. നെടുമങ്ങാട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.