മദ്യലഹരിയിൽ വീട്ടിലെത്തി വാക്കുതർക്കം; പിന്നാലെ അച്ഛനെ മകൻ ചവിട്ടി കൊന്നു; സ്വാഭാവിക മരണമെന്ന് വരുത്തി തീർക്കാനും ശ്രമം; അന്വേഷണത്തിൽ തെളിഞ്ഞത് അരുംകൊല; പ്രതി പിടിയിൽ

കൊച്ചി: മദ്യലഹരിയിൽ വീട്ടിലെത്തി വാക്കുതർക്കത്തിന് പിന്നാലെ അച്ഛനെ മകൻ ചവിട്ടി കൊലപ്പെടുത്തി. പെരുമ്പാവൂർ ചേലാമറ്റം നാല് സെൻറ് കോളനിയിൽ തെക്കുംതല വീട്ടിൽ ജോണി (67) ആണ് അതിദാരുണമായി മരിച്ചത്. മകൻ മെൽജോയെ പോലീസ് പിടികൂടി. ഇന്നലെയായിരുന്നു ജോണി മരിച്ചത്. ശേഷം സ്വാഭാവിക മരണം എന്നു വരുത്തി തീർക്കാനും മകൻ ശ്രമിച്ചു.

പക്ഷെ ജോണിയുടെ മൃതദേഹം പോസ്റ്റ്‌മോർട്ടം പരിശോധനക്ക് വിധേയമാക്കിയതിൽ രണ്ട് വാരിയെല്ലുകൾക്ക് ഒടിവ് സംഭവിച്ചതായി കണ്ടെത്തി. ഇതോടെ മെൽജോയെ പോലീസ് ചോദ്യം ചെയ്തു. അച്ഛനെ താൻ ചവിട്ടിയെന്ന് മെൽജോ ചോദ്യം ചെയ്യലിൽ വെളിപ്പെടുത്തി. മദ്യലഹരിയിലാണ് അക്രമം നടത്തിയതെന്നും പ്രതി പോലീസിനോട് സമ്മതിക്കുകയും ചെയ്തിട്ടുണ്ട്.