സ്‌ക്രീനിൽ തിളങ്ങാൻ പറ്റിയ വേഷം തന്നിരിക്കും..ഉറപ്പ്; മോഹന വാഗ്ദാനങ്ങൾ നൽകി വിളിച്ചു വരുത്തി പീഡിപ്പിച്ചു; , ജൂനിയർ ആർട്ടിസ്‌റ്റായ യുവതിയുടെ പരാതിയിൽ പ്രതി അറസ്റ്റിൽ

തിരുവനന്തപുരം: ജൂനിയർ ആർട്ടിസ്‌റ്റായ യുവതിയെ ലൈംഗികമായി പീഡിപ്പിച്ച യുവാവിനെ പോലീസ് പിടികൂടി. എറണാകുളം വരാപ്പുഴ സ്വദേശി എസ്.ജിനു (40)വിനെ ആണ് മെഡിക്കൽ കോളേജ് പോലീസ് എറണാകുളത്തു നിന്ന് അറസ്‌റ്റ് ചെയ്തത്. സിനിമയിൽ അവസരം വാഗ്ദാനം ചെയ്ത് കഴക്കൂട്ടം സ്വദേശിയായ 31കാരിയെയാണ് ഇയാൾ പീഡിപ്പിച്ചത്.

സിനിമയിൽ അഭിനേതാക്കളെ തേടിയുള്ള പരസ്യം നൽകിയാണ് യുവതിയെ കെണിയിൽ കൊണ്ട് വീഴ്ത്തിയത്. സിനിമയിൽ മികച്ച വേഷം നൽകാമെന്ന് പറഞ്ഞ് തിരുവനന്തപുരത്ത് വച്ചാണ് പീഡിപ്പിച്ചത്. പീഡനത്തിന് ശേഷം മുങ്ങിയ ഇയാളെ പിന്തുടർന്നാണ് പോലീസ് അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.