മദ്യലഹരിയിൽ ഭാര്യയെ കുത്തികൊലപ്പെടുത്താൻ ശ്രമം; സംഭവ ശേഷം മുങ്ങിയ ഭർത്താവിനെ മണിക്കൂറുകൾക്കകം പോലീസ് പിടികൂടി; സംഭവം മൂവാറ്റുപുഴയിൽ

മൂവാറ്റുപുഴ: മദ്യപിച്ചെത്തി ഭാര്യയെ കുത്തിക്കൊല്ലാൻ ശ്രമിച്ചു കേസിൽ ഭർത്താവിനെ മണിക്കൂറുകൾക്കുള്ളിൽ പോലീസ് പിടികൂടി. മൂവാറ്റുപുഴയിലാണ് സംഭവം. പ്രതി മനോജ് കുഞ്ഞപ്പനാണ് പോലീസിന്റെ പിടിയിലായത്. വാക്കുതർക്കമാണ് ഭാര്യയായ സ്മിതയെ (42) ആക്രമിക്കാൻ കാരണമായത്. ഇയാൾ ഭാര്യയെ കത്തി കൊണ്ട് നെഞ്ചിലും കാലിലും കുത്തുകയായിരുന്നു എന്നാണ് പോലീസ് പറഞ്ഞത്.

ഗുരുതരമായി പരിക്കേറ്റ സ്മിതയെ പ്രദേശവാസികൾ ആദ്യം മൂവാറ്റുപുഴ ജനറൽ ആശുപത്രിയിലും തുടർന്ന് കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. സംഭവത്തെ ശേഷം ഇയാൾ സ്കൂട്ടറിൽ സ്ഥലത്തു നിന്ന് രക്ഷപ്പെടുകയായിരുന്നു. തുടർന്ന് പോലീസ് നടത്തിയ അന്വേഷണത്തിൽ മനോജ് കുഞ്ഞപ്പനെ മണിക്കൂറുകൾക്കം തൊടുപുഴയിൽ നിന്ന് പോലീസ് പിടികൂടുകയായിരുന്നു. ഭാര്യയുമായി ഇയാൾ നിരന്തരം വഴക്കുണ്ടാക്കിയിരുന്നതായാണ് വിവരം.