ഓടിക്കൊണ്ടിരുന്ന കാറിന് തീ പിടിച്ചു; ദമ്പതികൾ രക്ഷപ്പെട്ടത് തലനാരിഴയ്ക്ക്; സംഭവം കൊല്ലത്ത്

കൊല്ലം: ഓടിക്കൊണ്ടിരുന്ന കാറിന് തീപിടിച്ച് അപകടം. കൊല്ലം രാമൻകുളങ്ങരയിലാണ് സംഭവം നടന്നത്. മരുത്തടി കന്നിമേൽ ചേരി സ്വദേശി പ്രദീപ് കുമാറിന്റെ കാറിനാണ് തീപിടുത്തം ഉണ്ടായത്. ദമ്പതികളായ പ്രദീപ് കുമാറും ഭാര്യയുമാണ് കാറിൽ സഞ്ചരിച്ചത്.

കാറിന്റെ മുൻവശത്ത് നിന്നും പുക ഉയരുന്നത് കണ്ട ഉടൻ തന്നെ ഇരുവരും പുറത്തിറങ്ങി രക്ഷപ്പെടുകയായിരുന്നു. തലനാരിഴയ്ക്കാണ് ഇരുവരും രക്ഷപ്പെട്ടത്.

കാർ പൂർണമായും കത്തി നശിച്ചു. ഒടുവിൽ അഗ്നിശമന സേന എത്തിയാണ് തീയണച്ചത്. തുടർന്ന് സംഭവസ്ഥലത്ത് പോലീസെത്തി മേൽനടപടികൾ സ്വീകരിച്ചു.