തൃശൂരില്‍ വന്‍ കഞ്ചാവു വേട്ട; എംഡിഎംഎയും കഞ്ചാവുമായി നാല് യുവാക്കള്‍ അറസ്റ്റില്‍
തൃശൂരില്‍ വന്‍ കഞ്ചാവു വേട്ട; എംഡിഎംഎയും കഞ്ചാവുമായി നാല് യുവാക്കള്‍ അറസ്റ്റില്‍
By : സ്വന്തം ലേഖകൻ
Update: 2024-11-04 00:33 GMT
തൃശൂര്‍: തൃശൂരില്‍ പോലിസിന്റെ വന്‍ കഞ്ചാവു വേട്ട. വരവൂര്‍ കൊറ്റുപുറത്ത് കഞ്ചാവും എം.ഡി.എം.എയുമായി നാല് യുവാക്കളെ പോലിസ് അറസ്റ്റ് ചെയ്തു. ഇവരില്‍ നിന്ന് ഏഴ് ഗ്രാം എം.ഡി.എം.എയും ഒന്‍പത് കിലോ കഞ്ചാവുമാണ് എരുമപ്പെട്ടി പൊലീസ് പിടികൂടിയത്. കൊറ്റുപ്പുറം റിസോര്‍ട്ടില്‍ നിന്നാണ് കഞ്ചാവും എം.ഡി.എം.എ.യുമായി യുവാക്കള്‍ പൊലീസിന്റെ പിടിയിലായത്.
വരവൂര്‍ സ്വദേശികളായ പ്രമിത്ത്, വിശ്വാസ്, വേളൂര്‍ സ്വദേശി റഹ്‌മത്ത് മന്‍സിലില്‍ സലാഹുദ്ദീന്‍, ചേലക്കര സ്വദേശി ജിഷ്ണു എന്നിവരെയാണ് അറസ്റ്റ് ചെയ്തത്. എരുമപ്പെട്ടി സ്റ്റേഷന് ഹൗസ് ഓഫീസര്‍ ലൈജുമോന്റെ നേതൃത്വത്തിലുള്ള പൊലീസ് സംഘമാണ് പ്രതികളെ അറസ്റ്റ് ചെയ്തത്.