മുത്തങ്ങയിൽ മാരക ലഹരിമരുന്നായ മെത്താഫിറ്റാമിനുമായി യുവാവ് അറസ്റ്റിൽ; പിടികൂടിയത് എക്‌സൈസ് കാർ പരിശോധിച്ചപ്പോൾ

സുൽത്താൻ ബത്തേരി: മാരക ലഹരിമരുന്നായ മെത്താഫിറ്റാമിൻ കാറിൽ കടത്താൻ ശ്രമിക്കവേ യുവാവ് അറസ്റ്റിൽ. എക്‌സൈസ് സംഘമാണ് യുവാവിനെ അറസ്റ്റ് ചെയ്തത്.

കോഴിക്കോട് ഫറോക്ക് സ്വദേശി മണന്തല പടന്ന ചെമ്പ്രയിൽ വീട്ടിൽ ടി. മുഹമ്മദ് ആഷിഖ് (29) എന്നയാളെയാണ് മുത്തങ്ങ എക്‌സൈസ് ചെക്ക്പോസ്റ്റിൽ വെച്ച് ഉദ്യോഗസ്ഥർ അറസ്റ്റ് ചെയ്തത്.

ഇയാൾ സഞ്ചരിച്ച കാറിൽ എക്‌സൈസ് പരിശോധന നടത്തുകയായിരുന്നു. പരാതിയിൽ നിന്നും 53.900 ഗ്രാം മെത്താഫിറ്റാമിനാണ് കണ്ടെടുത്തത്. പ്രതി സഞ്ചരിച്ച കാറും എക്‌സൈസ് പിടിച്ചെടുത്തു.