ഓഗസ്റ്റ് 14 'വിഭജന ഭീതി' ദിനമായി ആചരിക്കണം; വിസിമാര്‍ക്ക് സര്‍ക്കുലര്‍ നല്‍കി ഗവര്‍ണര്‍; ഇന്ത്യാവിഭജനം എത്രത്തോളം ഭീകരമായിരുന്നു ജനങ്ങളെ ബോധ്യപ്പെടുത്തുക ലക്ഷ്യമെന്ന് രാജ്ഭവന്‍
ഓഗസ്റ്റ് 14 'വിഭജന ഭീതി' ദിനമായി ആചരിക്കണം; വിസിമാര്‍ക്ക് സര്‍ക്കുലര്‍ നല്‍കി ഗവര്‍ണര്‍
By : സ്വന്തം ലേഖകൻ
Update: 2025-08-11 06:15 GMT
തിരുവനന്തപുരം: ഓഗസ്റ്റ് 14 'വിഭജനഭീതി ദിനം' ആയി ആചരിക്കണമെന്ന സര്‍ക്കുലറുമായി ഗവര്‍ണര്‍ രാജേന്ദ്ര വിശ്വനാഥ് ആര്‍ലേക്കര്‍. സര്‍വകലാശാല വിസിമാര്‍ക്കാണ് ഗവര്‍ണറുടെ നിര്‍ദേശം. ഈ ദിവസം വിവിധ പരിപാടികള്‍ സംഘടിപ്പിക്കണമെന്നും സര്‍ക്കുലറില്‍ നിര്‍ദേശിക്കുന്നു. ഇന്ത്യ-പാക്ക് വിഭജനത്തിന്റെ ഓര്‍മയ്ക്കായി ഓഗസ്റ്റ് 14 'വിഭജനഭീതി' ദിനമായി ആചരിക്കണമെന്ന് നേരത്തെ പ്രധാനമന്ത്രി നരേന്ദ്ര മോദി ആഹ്വാനം ചെയ്തിരുന്നു.
ദിനാചരണത്തിന്റെ ഭാഗമായി സെമിനാറുകളും നാടകങ്ങളും സര്‍വകലാശാലകളില്‍ സംഘടിപ്പിക്കണമെന്നാണ് രാജ്ഭവന്റെ നിര്‍ദേശത്തിലുള്ളത്. ഇന്ത്യാവിഭജനം എത്രത്തോളം ഭീകരമായിരുന്നു എന്ന് ജനങ്ങളെ ബോധ്യപ്പെടുത്തുന്നതിനാണ് ഇതെന്നും പരിപാടികളുടെ സംഘാടനത്തിന് വിസിമാര്‍ പ്രത്യേക ആക്ഷന്‍ പ്ലാന്‍ രൂപീകരിക്കണമെന്നും രാജ്ഭവന്‍ ആവശ്യപ്പെടുന്നു.