ഹൃദയാഘാതത്തെ തുടര്‍ന്ന് അസിസ്റ്റന്റ് എന്‍ജിനീയറായ യുവാവ് മരിച്ചു; സംഭവം കോഴിക്കോട്
By : സ്വന്തം ലേഖകൻ
Update: 2024-11-19 14:27 GMT
കോഴിക്കോട്: വേങ്ങേരിയിലെ കേരള അഗ്രോ ഇന്‍ഡസ്ട്രിയല്‍ കോര്‍പറേഷനിലെ അസിസ്റ്റന്റ് എഞ്ചിനീയര്‍ ഹൃദയാഘാതം മൂലം മരിച്ചു. മൂടാടി ഗോപാലപുരം സ്വദേശി പവൂര്‍മീത്തല്‍ പ്രജീഷ് (38) ആണ് മരണത്തിന് കീഴടങ്ങിയത്. കോഴിക്കോട് താമസിച്ചു വരികയായിരുന്നു.
ഇന്ന് പുലര്‍ച്ചെയാണ് അദ്ദേഹത്തിന് നെഞ്ചുവേദന അനുഭവപ്പെട്ടത്. തുടര്‍ന്ന് കോഴിക്കോട്ടെ സ്വകാര്യ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.
അച്ഛന്‍: കുഞ്ഞിക്കണാരന്‍. അമ്മ: പരേതയായ ലീല. ഭാര്യ: ദില്‍ന. മകന്‍: ദ്രുവിന്‍.