കടയുടമയ്ക്കുനേരെ കത്തിവീശി പരാക്രമം; പ്രകോപനം സിംകാര്‍ഡിന് റേഞ്ച് കിട്ടുന്നില്ലെന്ന് ചൊല്ലി; ആക്രമിയെ കസ്റ്റഡിയിലെടുത്ത ശേഷം വിട്ടയച്ചു

കോഴിക്കോട്: കോഴിക്കോട് മൊബൈൽ കട ഉടമയ്ക്ക് നേരെ കത്തിവീശി ആക്രമണം. തമിഴ്‌നാട് സ്വദേശിയുടെ പരാക്രമം. പാളയത്തെ മൊബൈല്‍ഷോപ്പിൽ എത്തിയ ആളാണ് കടയുടമയ്ക്ക് നേരേ കത്തിവീശി പരാക്രമം കാട്ടിയത്.

കടയില്‍നിന്ന് വാങ്ങിയ സിംകാര്‍ഡിന് റേഞ്ച് കിട്ടുന്നില്ലെന്ന് പറഞ്ഞാണ് തമിഴ്‌നാട് സ്വദേശി എത്തിയത്. തുടര്‍ന്ന് കടയുടമയെ ഭീഷണിപ്പെടുത്തുകയും കൈയിലെ സഞ്ചിയില്‍ കരുതിയ കത്തി പുറത്തെടുത്ത് വീശുകയുമായിരുന്നു.

കടയുടമ പിന്നോട്ട് മാറിയതിനാല്‍ പരിക്കേല്‍ക്കാതെ രക്ഷപ്പെട്ടു. മാനസികപ്രശ്‌നങ്ങള്‍ നേരിടുന്ന ഇയാളെ പോലീസ് കസ്റ്റഡിയിലെടുത്തശേഷം പിന്നീട് ബന്ധുക്കള്‍ക്കൊപ്പം വിട്ടയക്കുകയും ചെയ്തു.