ഒരു കുടുംബത്തിലെ അമ്മയേയും രണ്ട് മക്കളും കിണറ്റില്‍ മരിച്ച നിലയില്‍ കണ്ടെത്തി; മക്കളെ കിണറ്റിലേക്ക് തള്ളിയ ശേഷം അമ്മയും ചാടിയതായാണ് നിഗമനം; പോലീസ് അന്വേഷണം ആരംഭിച്ചു
കണ്ണൂര്‍: അഴീക്കോട് മീന്‍കുന്നില്‍ നിന്നുള്ള ഒരു കുടുംബത്തിലെ അമ്മയും രണ്ട് മക്കളും കിണറ്റില്‍ മരിച്ച നിലയില്‍ കണ്ടെത്തി. മഠത്തില്‍ ഹൗസിലെ ഭാമ (44), ശിവനന്ദ് (14), അശ്വന്ത് (9) എന്നിവരാണ് മരിച്ചത്. ഇന്ന് പുലര്‍ച്ചെ ആണ് സംഭവം പുറത്തറിയുന്നത്. രാവിലെ അയല്‍വാസികള്‍ കിണറ്റില്‍ മൃതദേഹങ്ങള്‍ കണ്ടതോടെയാണ് വിവരം പൊലീസിന് അറിയിച്ചത്. സംഭവത്തിന് പിന്നില്‍ ആത്മഹത്യയെന്ന് പൊലീസ് പ്രാഥമിക നിഗമനത്തിലാണ്.
മക്കളെ കിണറ്റിലേക്ക് തള്ളിയ ശേഷം അമ്മയും ചാടിയതായാണ് സൂചനകളുണ്ട്. സ്ഥലത്തെത്തിയ പൊലീസ് സംഘം അന്വേഷണം ആരംഭിച്ചു. മൂന്ന് പേരുടെയും മൃതദേഹം പരിയാരം മെഡിക്കല്‍ കോളജിലേക്ക് മാറ്റി. വീട്ടില്‍ അപകടസമയത്ത് ഭാമയുടെ സഹോദരിയും മാത്രമായിരുന്നു ഉണ്ടായിരുന്നത്. ഭര്‍ത്താവ് രമേഷ് ബാബു കഴിഞ്ഞ ദിവസം ചാലിയിലെ മറ്റൊരു വീട്ടിലായിരുന്നു. എഎസ്പി കാര്‍ത്തിക്കിന്റെ നേതൃത്വത്തിലുള്ള പൊലീസ് സംഘം സംഭവസ്ഥലത്ത് പരിശോധന നടത്തി. കൂടുതല്‍ വിവരങ്ങള്‍ സംഭവസ്ഥല പരിശോധനകള്‍ക്കും പോസ്റ്റ്മോര്‍ട്ടം റിപ്പോര്‍ട്ടിന് ശേഷമായിരിക്കും ലഭിക്കുക.