പ്രായപൂര്‍ത്തിയാകാത്ത പെണ്‍കുട്ടിക്ക് അശ്ലീല സന്ദേശം അയച്ച ഡോക്ടര്‍ പിടിയില്‍; അകത്തായത് കണ്ണൂരുകാരന്‍ അലന്‍ അലക്‌സ്; അറസ്റ്റ് ചെയ്തത് തന്ത്രമൊരുക്കി
By : സ്വന്തം ലേഖകൻ
Update: 2025-01-04 07:24 GMT
കോഴിക്കോട്: പ്രായപൂര്‍ത്തിയാകാത്ത പെണ്‍കുട്ടിക്ക് അശ്ലീല സന്ദേശം അയച്ച ഡോക്ടര്‍ പിടിയില്‍. കണ്ണൂര്‍ സ്വദേശി അലന്‍ അലക്‌സാണ് കോഴിക്കോട് ബീച്ചില്‍ വച്ച് പിടിയിലായത്.
പെണ്‍കുട്ടിയുടെ വീട്ടുകാര്‍ ഇയാളെ വിളിച്ചുവരുത്തിയശേഷം പോലീസിന് കൈമാറുകയായിരുന്നു. കോഴിക്കോട് സ്വകാര്യ ക്ലിനിക്കിലാണ് ഇയാള്‍ പ്രാക്ടീസ് ചെയ്യുന്നത്. സമൂഹ മാധ്യമം വഴിയാണ് അലന്‍ അലക്‌സ് പെണ്‍കുട്ടിയെ പരിചയപ്പെടുന്നത്.
ശല്യം വര്‍ധിച്ചതോടെ പെണ്‍കുട്ടി ഇക്കാര്യം ബന്ധുക്കളെ അറിയിച്ചു. ബന്ധുക്കള്‍ പറഞ്ഞത് അനുസരിച്ചാണ് ഡോക്ടറോട് പെണ്‍കുട്ടി കോഴിക്കോട് ബീച്ചിലേക്ക് എത്താന്‍ ആവശ്യപ്പെട്ടത്. തുടര്‍ന്ന് ബീച്ചിലെത്തിയ ഡോക്ടറെ പിടികൂടുകയായിരുന്നു.