കൊല്ലത്ത് എക്‌സൈസിന്റെ കഞ്ചാവ് വേട്ട; രണ്ട് കിലോ കഞ്ചാവുമായി രണ്ടു പേര്‍ അറസ്റ്റില്‍
കൊല്ലത്ത് എക്‌സൈസിന്റെ കഞ്ചാവ് വേട്ട; രണ്ട് കിലോ കഞ്ചാവുമായി രണ്ടു പേര്‍ അറസ്റ്റില്‍
കൊല്ലം: കൊല്ലത്ത് എക്‌സൈസിന്റെ കഞ്ചാവ് വേട്ട. രണ്ട് കിലോഗ്രാമോളം കഞ്ചാവുമായി രണ്ട് യുവാക്കളെ എക്സൈസ് സംഘം പിടികൂടി. താഴുത്തല സ്വദേശികളായ നിഷാദ് (35), അനസ് മുബാറക്(27) എന്നിവരാണ് അറസ്റ്റിലായത്. ഇവരുടെ പക്കല്‍ നിന്നും 1.93 കിലോഗ്രാം കഞ്ചാവ് പിടികൂടി. കൊല്ലം എക്സൈസ് എന്‍ഫോഴ്സ്മെന്റ് & ആന്റി നര്‍ക്കോട്ടിക് സ്‌പെഷ്യല്‍ സ്‌ക്വാഡിലെ എക്സൈസ് ഇന്‍സ്പെക്ടര്‍ ദിലീപ്.സി.പി യുടെ നേതൃത്വത്തിലാണ് പ്രതികളെ പിടികൂടിയത്.
രഹസ്യ വിവരത്തെത്തുടര്‍ന്ന് നടത്തിയ പരിശോധനയിലാണ് പ്രതികള്‍ കഞ്ചാവുമായി പിടിയിലാകുന്നത്. നിരവധി ക്രിമിനല്‍ കേസുകളില്‍ പ്രതിയായ നിഷാദിനെ വളരെ ശ്രമകരമായ ദൗത്യത്തിലൂടെയാണ് എക്സൈസ് സംഘം പിടികൂടിയത്. അസിസ്റ്റന്റ് എക്സൈസ് ഇന്‍സ്പെക്ടര്‍(ഗ്രേഡ്) പ്രേനസീര്‍.എസ്, സിവില്‍ എക്സൈസ് ഓഫീസര്‍മാരായ അരുണ്‍ലാല്‍, അജിത്ത്, അനീഷ്എം.ആര്‍, സൂരജ്.പി.എസ്, ജോജോ.ജെ, ജൂലിയന്‍ ക്രൂസ്, വനിതാ സിവില്‍ എക്സൈസ് ഓഫീസര്‍ ജാസ്മിന്‍, സിവില്‍ എക്സൈസ് ഓഫീസര്‍ ഡ്രൈവര്‍ സുബാഷ് എന്നിവര്‍ എക്സൈസ് സംഘത്തിലുണ്ടായിരുന്നു.