ലഹരിയില്‍ ആതീവ ജാഗ്രതയ്ക്ക് കേരളം; മുഖ്യമന്ത്രിയുടെ ഉന്നത തല യോഗം 24ന്; എഡിജിപി മനോജ് എബ്രഹാമിന് ഏകോപന ചുമതല
By : സ്വന്തം ലേഖകൻ
Update: 2025-03-16 09:30 GMT
തിരുവനന്തപുരം: സംസ്ഥാനത്ത് ലഹരി വ്യാപകമാണെന്ന വിലയിരുത്തല്‍ പശ്ചാത്തലതില്‍ ഉന്നതതലയോഗം വിളിച്ച് മുഖ്യമന്ത്രി. ഈ മാസം 24 നാണ് യോഗം. മന്ത്രിമാരും പോലീസ്-എക്‌സൈസ് ഉന്നത ഉദ്യോഗസ്ഥരും യോഗത്തില്‍ പങ്കെടുക്കും.
ലഹരിക്കെതിരെ ഇതുവരെ സ്വീകരിച്ച നടപടികളും ഇനി തുടങ്ങുന്ന നടപടികളും യോഗത്തില്‍ തീരുമാനിക്കും. ലഹരി വ്യാപനത്തില്‍ ഗവര്‍ണറും ഡിജിപിയോട് റിപ്പോര്‍ട്ട് ആവശ്യപ്പെട്ടിരുന്നു. ലഹരിക്കെതിരായ പോരാട്ടത്തില്‍ സംസ്ഥാന വ്യാപക റെയ്ഡിന് സമഗ്ര പദ്ധതി രൂപീകരിച്ചിട്ടുണ്ട്. പോലീസ്, എക്‌സൈസ് വകുപ്പുകള്‍ സംയുക്തമായാണ് നിരീക്ഷണവും പരിശോധനയും ശക്തമാക്കാനൊരുങ്ങുന്നത്. എഡിജിപി മനോജ് എബ്രഹാമിനാണ് ഏകോപന ചുമതല.