തൃശൂര്‍ പാലിയേക്കരയില്‍ ലോറിയില്‍ കഞ്ചാവ് കടത്ത്; 120 കിലോ കഞ്ചാവുമായി നാല് യുവാക്കള്‍ അറസ്റ്റില്‍
120 കിലോ കഞ്ചാവുമായി നാല് യുവാക്കള്‍ അറസ്റ്റില്‍
By : സ്വന്തം ലേഖകൻ
Update: 2025-05-23 02:58 GMT
തൃശൂര്‍: തൃശൂര്‍ പാലിയേക്കരയില്‍ ലോറിയില്‍ കഞ്ചാവ് കടത്തിയ യുവാക്കളെ പൊലീസ് അറസ്റ്റ് ചെയ്തു. 120 കിലോ കഞ്ചാവാണ് പിടിച്ചെടുത്തത്. തൃശൂര്‍ സ്വദേശി സിജോ, ആലുവ സ്വദേശികളായ ആഷ്വിന്‍, ഹാരിസ്, പാലക്കാട് സ്വദേശി ജാബിര്‍ എന്നിവരാണ് പൊലീസിന്റെ പിടിയിലായത്. ലോറിയില്‍ ഒഡീഷയിലേക്ക് പോയി കഞ്ചാവ് കൊണ്ടുവരികയായിരുന്നു ഇവര്‍.
ഒഡീഷയില്‍ നിന്ന് കഞ്ചാവുമായി വരുമ്പോഴാണ് ഇവര്‍ പിടിക്കപ്പെട്ടത്. ചാലക്കുടി ഡിവൈഎസ്പി യുടെ നേതൃത്വത്തിലുള്ള സ്‌ക്വാഡാണ് കഞ്ചാവ് പിടിച്ചത്. പ്രതികള്‍ വധശ്രമം, കഞ്ചാവ് കടത്ത് ഉള്‍പ്പെടെയുള്ള കേസില്‍ ഉള്‍പ്പെട്ടവര്‍ ആണെന്ന് പൊലീസ് പറഞ്ഞു. രണ്ടുമാസമായി ഇവര്‍ ഡാന്‍സാഫ് സംഘത്തിന്റെ നിരീക്ഷണത്തില്‍ ആയിരുന്നു. ആലുവ സ്വദേശി ആഷ്വിന്റെ ഉടമസ്ഥതയിലുള്ളതാണ് ലോറി.